Jenesis 33:15 - Buka Blahi Ka Cheke Holo

¹⁵ Aonu mae Iso ne cheke eghu, “Iara ginauna na lilisei faleghu balumu iagho keha nogu mae gloku mala hata ghami ghotilo ari.” Mae Jekop ne cheke eghu, “Mae funei, iagho thofno keli fara ranghi ghau iara. Nu nogu mae gloku iara gre nabau ngala te hata ghami ghehati te ari na.”

Jenesis 33:15 ပူးပေါင်းရင်းမြစ်များ

Thoutonu Eigna Rut 2:13

Aonu Rut ne cheke eghu ka mana, “Mae funei, iagho thofno keli fara ranghi ghau iara, neubane theome kaisei nou naikno gloku iagho ngau iara, iagho ne thoghei ne famane cheke ranghi ghau iara. Eghume iara gognaro na thofno glealeꞌa fara gaoghathogu na.”

Jenesis 47:25

Aonu naiknore ne cheke eghu ka mana, “Mae biꞌo, iagho ne tusu meini u karha na mala theome lehe ghehati, gognaro na ghehati thofno glealeꞌa fara, eghuteuna ghehati tegio fara ka iagho. Eghume ghehati mala nogna naikno gloku mae king.”

Jenesis 34:11

Mae Sekem ne cheke eghu ka mae Jekop nei thabusigna teu Daina re, “Jame te uve teu ghotilo ka nogu thore iara igne na, iara ginauna na tusu ari ka ghotilo unha te toreni ghotilo na.

Fapea Samuel 16:4

Mae Devet nomhini igne ne cheke eghu ka mae Siba, “Uve, iara ginauna lisa ari ka iagho nogna gobigna lepo mae Mefiboset ra.” Aonu mae Siba ne cheke eghu ka mae Devet, “King, iara thofno cheke fakeli nigho. Iara magnahaghei te edi koba unha glepo te keli jame te kelitamudi iaghore.”

Ululahu Samuel 25:8

Jame te ghusna iagho ka mare na, mare tangomana te cheke ka iagho na. Eghuteuna gognarona, ghehati mei ka iagho ka narane gaghamu igne. Eghume mae Devet tore nigho iagho mala keli ranghi ghami nei taji ghami eghu. Mae Devet na jateula thumu eghu iagho, eghuteuna ghehati jateula nou mae gloku eghu iagho. Ghehati jame keli tami fara jame te togho ghami iagho ka unha te tangomana nigho iagho na.’ ”

Jenesis 33:16

Aonu ka narane tuana mae Iso neke pulo Idom.

Ululahu Samuel 1:18

Naꞌa ne cheke eghu, “Iagho thofno keli fara ranghi ghau iara.” Eghuteuna naꞌa glealeꞌa fara jifla ne tei ghamu.

Jenesis 32:6

Mae igre neke pulo mei neke cheke eghu ka mae Jekop, “Ghehati ne hata cheke ne tei posa ka mae tighamu Iso, eghuteuna mana gognaro na mei thafo nigho iagho fari hotei nabrou. Eghuteuna fati gobi mae na mei balugna mana.”