Jenesis 33:13 - Buka Blahi Ka Cheke Holo

¹³ Nu mae Jekop ne cheke eghu ka mana, “Nogu funei, iagho lasedi goro sua igre theome nheta. Eghuteuna iara magnahaghei te famane taroridi nogu tothoghei sipu nei suadi te chuꞌu teu gre eghu. Jame te fanananga dire ginauna na tei lehe.

Jenesis 33:13 ပူးပေါင်းရင်းမြစ်များ

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Proveb 12:10

Mae te keli na reireghidi nogna buluka, sipu, nanigot, ba hose. Nu mae te diꞌa na paradi nogna glepo igre.

Ululahu Kronikols 22:5

Kani theome lehe nga teku King Devet na, mana neke tarabana kmana thua nafnata glepo te mala horogna nogna Sugablahi Lord na. Mana neke cheke eghu, “Thugu iara Solomon gne, mana mae majaghani fara eghuteuna mana theome laseni te famane horo suga na. Nu iara magnahagheni mae thugu iara Solomon ginauna famane horo fakeli nogna Sugablahi Lord na. Eghuteuna naikno te gnafa ka nauthoglu igne ginauna kelitadi ni fara suga igne na tusu lao nafnakno biꞌo ka suga igne. Eghume iara na tarabana nogna glepo mae Solomon malagna suga igne.”

Jenesis 33:12

Gnafa teu na aome cheke eghu nga mae Iso, “Uve tahati gne na ari. Iara gne na ari balumi ghotilo.”

Jenesis 33:14

Uve nogu funei, iagho na kulu ulu, iara gne ginauna thoghei ari baludi glepo igre nei thugu igre eghu. Eghuteuna iara ginauna ari thafo nigho Idom.”

Ululahu Samuel 6:10

Aonu naiknore nomhini igne ne tei eni glepo igne. Mare hata phei buluka igre ne famamhaku chariot na ka repa, mare bobotho phei thudi re lamna suga buluka.