Jenesis 33:11 - Buka Blahi Ka Cheke Holo

¹¹ Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Jenesis 33:11 ပူးပေါင်းရင်းမြစ်များ

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.

Fapea Kings 5:23

Mae Naman ne cheke eghu, “Doglou kolho. Nu iagho na hata namno salei nhana kilo silva.” Eghuteuna mana cheke faheta ka mae Gehasi mala hata mana. Aonu mana ne fafodu phei baeg ka silva, eghuteuna nhaꞌa lao phei famane pohe baludi. Eghuteuna mae Naman ne kurudi phei nogna mae gloku re mala pala glepo igre mala kulu tei ke ulugna ka mae Gehasi.

Jenesis 33:9

Nu mae Iso ne cheke eghu, “Thabusigna, iara la au nogu glepo kmana hi. Tathajiu sagho malamu themu.”

Jenesis 30:43

Ka puhi igne mae Jekop ne kaisei mae dedei fara. Mana ne au nogna kmana sipu nei nanigot, nei mae gloku nei gaꞌase gloku, nei kamel nei dongki.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Ululahu Korin 3:21

Eghume ghotilo theome naba te cheke fahaehagheni unha te eni naikno na! Tutuani fara, gobigna lepore nomi ghotilo.

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Fapea Kings 2:17

Nu mae profet igre heta ghedi te ghusnani mana, ne ghilei mamaja nogna ka unha te ghusnani mare na, aonu mana ne snakredi mare ne tei. Mare tei ne hironi mae profet Elija ka vido te gnafa re nabagna thilo narane, nu mare ne theome tangomana te filoni mana na.

Ululahu Samuel 30:26

Kate pulo mei mare Siklag, mae Devet ne atha keha glepo teke uludi ka magra na ne fei nodi kheragna te baubatu ka nohi Juda ne cheke eghu ka mare, “Igne nomi namha ghotilo na vido glepo teke atha ghehati ka nogna naoka Lord ra.”

Jajis 1:15

Aonu naꞌa ne cheke eghu, “Mama, kokhoni ghau iara. Vido glose ke mata namono nagou teke snakre mei iagho ka ghepa ia thono moja fara. Iara magnahaghei nigho iagho te snakre mei ka ghepa keha vido glose te au khoꞌu tagna.” Kmagna na ne snakre lao ka repa vido glose te au phei seu tagna na, keha na au ke holo eghuteuna keha na ke paka.

Josua 15:19

Naꞌa ne cheke eghu, “Mama, kokhoni ghau iara. Glose ke matagna namono nagou na teke snakre mei iagho ka ghepa igne thono moja fara. Iara magnahaghei nigho iagho te snakre mei kaisei vido glosei ka ghepa aheva te au khoꞌu tagna.” Aonu kmagna na ne snakre lao ka naꞌa glose te au glokha khoꞌu te kiloi mare glokha khoꞌu kligna, eghuteuna glokha khoꞌu pari.

Jenesis 33:10

Aonu mae Jekop ne cheke eghu, “Theo! Thabusigna, te keli tamu iagho ka iara na, iagho hata glepo te tusu ari iara ka iagho are. Kate filodi iara tathamu nei foflomu teu iagho are, iara gne jateula te filodi eghu tathagna nei foflogna eghu God, naugna iagho ne keli tamu fara ka iara.

Jenesis 33:12

Gnafa teu na aome cheke eghu nga mae Iso, “Uve tahati gne na ari. Iara gne na ari balumi ghotilo.”

Jenesis 32:21

Aonu mae Jekop ne kulu fahata u namha igre ka tothoghei ulu lahu na mala tusu lao ka mae Iso. Nu mae Jekop ne au neu ka grorofe na ka bongi tuana baludi khetogna nei thugna teure.