Jenesis 33:10 - Buka Blahi Ka Cheke Holo

¹⁰ Aonu mae Jekop ne cheke eghu, “Theo! Thabusigna, te keli tamu iagho ka iara na, iagho hata glepo te tusu ari iara ka iagho are. Kate filodi iara tathamu nei foflomu teu iagho are, iara gne jateula te filodi eghu tathagna nei foflogna eghu God, naugna iagho ne keli tamu fara ka iara.

Jenesis 33:10 ပူးပေါင်းရင်းမြစ်များ

Thoutonu Eigna Mae Job 33:26

Aonu mae igne tangomana na teke tarai ka God, eghuteuna God ginauna kelitagna ka mana. Eghuteuna mae igne ginauna glealeꞌa fara kate tei kegra mana ke ulugna God, naugna God neke fakelini mana mala theome lehe.

Thakle 22:4

Mare ginauna filoni God fabrahu, eghuteuna rioriso nanghagna mana na ka greredire.

Profet Jeremaea 31:2

Lord ne cheke eghu, “Tifa, kani teke au kuꞌemi ghotilore ka namono nagou ra, iara neke keli ranghidi neke theome lehe ka magra, eghuteuna hiro nodi namono te mala gnafa na.”

Jenesis 32:30

Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Nodi Khoje Hatimare Mae Jiu 41:11

Kate filoni iara te theome tangomana mare te ulu ghau iara na, iara ginauna laseni iagho te keli tamu ka iara na.

Fapea Samuel 14:32

Mae Absalom ne cheke eghu ka mana, “Iara phei fata faꞌari cheke ka iagho, nu iagho tirou mei filo ghau iara. Iara magnahaghei nigho iagho te tei cheke ka king nogu cheke iara igre, ‘Naugna unha sagho te hata fajifla ghau iara Gesu teke pulo mei iara agne gnea? Jame te keli na iara au teku kolho jare.’ Iara magnahaghei nigho iagho te togho ghau iara mala tei filoni mana. Jame te tapla jafra iara ka nakhibo na, mana tangomana te falehe ghau iara.”

Fapea Samuel 14:28

Mae Absalom ne au phei finogha Jerusalem. Nu ke lamnadi phei finogha igre mana theome tei filoni king.

Fapea Samuel 14:24

Nu king ne cheke eghu, “Mae Absalom gne ginauna na theome mei au ka nogu suga iara igne. Iara theome magnahaghei te filodi tathagna nei foflogna teu manare.” Aonu mae Absalom pulo mei neke au kolho ka nogna suga na, eghuteuna mana ne theome tei filoni king.

Fapea Samuel 3:13

Aonu mae Devet ne cheke eghu ka mare, “Thofno keli fara. Ghotilo tei cheke ka mana, iara gleale'a fara te nhaꞌa cheke balugna mana na. Nu kaisei glepo kolho te mala eni mana na. Jame te mala mei filo ghau iara teu mana na, mana hata mei balugna Mikal thugna gaꞌase mae Sol ia ka iara.”

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Thoutonu Eigna Rut 2:10

Eghuteuna Rut tufru soru pari ne cheke eghu ka mae Boas, “Iara gaꞌasegu ka keha vidoi. Naugna unha sagho te keli fara ranghi ghau iara gnea?”

Jenesis 50:4

Kate ari te gnafadi narane te mala diꞌanagnafa nei tanhi teu igre na, mae Josep ne cheke eghu ka hatimare nogna mae biꞌo mae king re, “Jame te keli tami ghotilo ka iara na, iara magnahaghei ghami ghotilo te hata te tei nogu nonomho iara gne ka mae king. Nogu cheke iara re igre,

Jenesis 47:29

Kate namo thoke mei narane te mala lehegna na, mana ne toreni mae thugna Josep mala tei filoni. Kate posa mei mae Josep na, mae Jekop ne cheke eghu, “Jame te namha ghau iara na, iagho lilisei khamemu na ke parigna gahegu iara gne. Iagho nhaꞌa cheke ka iara mala thosei giugilu ghau iara agne Ijep.

Jenesis 19:19

Iagho neke kokhoni ghau nei lolokeli ranghi ghau neku fara iara neke fakarhigau iara ka glehe. Nu iara theome tangomana te rikha te tei ka thogele igro na eghu, naugna ne khaba fara. Neubane rikha ne tei iara, iara ginauna na lehe la ngala kate roꞌeni God namono igne na.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Jenesis 43:3

Nu mae Juda ne cheke eghu ka mae kmadi na, “Mama, ghehati la cheke hi ka iagho. Mae funei biꞌo gna Ijep na neke thono cheke faheta fara ka ghehati. Mana neke cheke eghu ka ghehati, ‘Hata mei balumi mae tahimi na agne. Te theo ghotilo na, iara theome magnahagheidi te filodi tathami ghotilo are agne.’

Jenesis 33:9

Nu mae Iso ne cheke eghu, “Thabusigna, iara la au nogu glepo kmana hi. Tathajiu sagho malamu themu.”

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.