Jenesis 32:7 - Buka Blahi Ka Cheke Holo

⁷ Mae Jekop ne nomhini cheke igne ne mhaghu nogna fara. Aonu mana ne fofota naikno re ka phei tothoghei. Mana jaola ne fofota buluka, sipu, nanigot, nei kamel teure ka phei tothoghei.

Jenesis 32:7 ပူးပေါင်းရင်းမြစ်များ

Jenesis 35:3

Tahati ginauna jifla kokoni namono igne mala ke pulo Betel. Iara ginauna na eni kaisei olta ka God. God mae ihei teke fakarhi ghau iara ka vido te ninhigrana nei au balugu ka vido aheva te tei iara na.”

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Fapea Korin 1:4

Mana togho ghami ghehati ka thua hoholo, mala nabami te toghodi keha naiknore te au ka thua hoholo, jateula God te togho ghami ghehati gne eghu.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Profet Isaia 28:26

Mae igne laseni fara puhi te mala edi gloku igre, naugna God neke farirhiuni mana.

Proveb 2:11

Puhi te fakeli na ginauna bara nigho, eghuteuna glalase te keli na ginauna reireghi fakeli nigho.

Nodi Khoje Hatimare Mae Jiu 142:4

Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.

Nodi Khoje Hatimare Mae Jiu 107:6

Kate au teu mare ka hoholo na, mare tanhi lao ka Lord mala toghodi. Aonu mana ne fakarhidi ka thua hoholo fateote'o.

Nodi Khoje Hatimare Mae Jiu 61:2

Iara gne au khaba ka nogu namono na, nei diꞌanagnafagu fara eghu. Eghume iara gne na eha ari ka iagho. Hata ghau tei ka kaisei vido te keli mala poru.

Nodi Khoje Hatimare Mae Jiu 31:13

Iara nomhidi kmana mae naoka hatimare buiburi ghau iara. Eghuteuna ka vido aheva te tei salaꞌu iara na mare famamhagu ghau iara fara. Mae iheire te magnahaghei tapla soru ghau iara re, mare hiro phoge mala falehe ghau iara.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Jenesis 32:11

Iara tore nigho iagho mala fakarhi ghau ka mae ke biꞌogu Iso. Iara mhaghu nogu fara glahula mei mana falehe fateo ghami ghehati hui, gaꞌase nei sua teu igre.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Jenesis 32:8

Mae Jekop ne ghaoghatho eghu, “Jame mei mae Iso te magra ka tothoghei ulu lahu na, fapea tothoghei gne ginauna tangomana te rikha na.”

Jenesis 33:1

Mae Jekop ne filoni mae Iso ne mei balugna fati gobi mae. Aonu mana ne tufa suare fari hoteidi Lea, Resel nei phei gaꞌase glokure.