Jenesis 32:5 - Buka Blahi Ka Cheke Holo

⁵ Iara au nogu tothoghei buluka, dongki, sipu, nanigot, mae gloku nei gaꞌase gloku eghu. Iara faꞌari cheke igne ka iagho nei tore nigho iagho eghu mala keli iagho ranghi ghau iara eghu.’ ”

Jenesis 32:5 ပူးပေါင်းရင်းမြစ်များ

Jenesis 33:8

Mae Iso ne cheke eghu, “Mala unha eghu sagho gaoghathodire glepo atha te mei iagho mae gloku, tothoghei nanigot, sipu, kamel, buluka nei dongki eghu te mei thafodi iara ka nabrou na igre ra?” Mae Jekop ne cheke eghu ka mana, “Nogu funei, glepo igre mala ke fakeli nagnafa ka iagho kolho.”

Jenesis 33:15

Aonu mae Iso ne cheke eghu, “Iara ginauna na lilisei faleghu balumu iagho keha nogu mae gloku mala hata ghami ghotilo ari.” Mae Jekop ne cheke eghu, “Mae funei, iagho thofno keli fara ranghi ghau iara. Nu nogu mae gloku iara gre nabau ngala te hata ghami ghehati te ari na.”

Thoutonu Eigna Mae Job 6:22

Iara theome tore ghami mala tusu mei kaisei namha ka iara. Iara theome cheke ghami mala folini kaisei mae mala chaghini mana, mala togho ghau iara.

Fapea Samuel 16:4

Mae Devet nomhini igne ne cheke eghu ka mae Siba, “Uve, iara ginauna lisa ari ka iagho nogna gobigna lepo mae Mefiboset ra.” Aonu mae Siba ne cheke eghu ka mae Devet, “King, iara thofno cheke fakeli nigho. Iara magnahaghei te edi koba unha glepo te keli jame te kelitamudi iaghore.”

Ululahu Samuel 1:18

Naꞌa ne cheke eghu, “Iagho thofno keli fara ranghi ghau iara.” Eghuteuna naꞌa glealeꞌa fara jifla ne tei ghamu.

Thoutonu Eigna Rut 2:2

Aonu Rut ne cheke eghu ka Naomi, “Iara magnahaghei tei loku ka nagare mala salo keha bali kate kato soru te lilisei te tei goro nalhaꞌure are. Jame te keliu ngala teu rehati na, iara ginauna tei ke leghudi reꞌe mala salo tei bali te ikodi are.” Naomi ne cheke eghu ka naꞌa, “Keliu ngala, tei sagho.”

Jenesis 47:25

Aonu naiknore ne cheke eghu ka mana, “Mae biꞌo, iagho ne tusu meini u karha na mala theome lehe ghehati, gognaro na ghehati thofno glealeꞌa fara, eghuteuna ghehati tegio fara ka iagho. Eghume ghehati mala nogna naikno gloku mae king.”

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Jenesis 31:16

Dedei igre God la hata fadeleihi ka mama kela tusu arihi ka iagho mala nomihi ghepa nei nodi thumi ghepa gre eghu. Eghume ghepa na leghuni unha te chekeni God na mala ke pulo ka namono mu iagho na.”

Jenesis 30:43

Ka puhi igne mae Jekop ne kaisei mae dedei fara. Mana ne au nogna kmana sipu nei nanigot, nei mae gloku nei gaꞌase gloku, nei kamel nei dongki.

Luku 12:45

Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Jenesis 31:3

Lord ne cheke eghu ka mae Jekop, “Ghema, ke pulo sagho ka namono aheva teke au mae kmamu nei vikemu teku ra. Iara gne ginauna au balumu iagho.”