Jenesis 32:30 - Buka Blahi Ka Cheke Holo

³⁰ Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Jenesis 32:30 ပူးပေါင်းရင်းမြစ်များ

Naba 12:8

Tuana site mei fakakhana iara te facheke teu balugna mana grea, eghuteuna kate facheke teu iara balugna mana na, iara theome chekedi cheke te ninhigrana gaoghathodire. Nu iara facheke balugna mana ka cheke te bligi gaoghathodire. Mana la filo ghauhi iara. Ne unha site theome mhaghu ghopa te cheke faparini nogu mae gloku iara gnea?”

Jenesis 16:13

Naꞌa ne jaglo nogna fara ne cheke eghu, “Iara gognaro na la filonihi God mae ihei te filo ghau iara na.” Aonu Hega ne kiloni nanghagna Lord na, “El Roi,” gaoghathogna ka cheke Hibru na, “God na ne filo ghau iara.”

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Diutronomi 5:24

Mare neke cheke eghu, ‘Lord, noda God tahati igne, gognarona mana fakakhana siasiglagna nogna nolaghi biꞌo na nei puhi te thono haghe fara mana na eghu ka tahati. Eghuteuna tahati nomhini naoglagna mana na mei funu ke lamna khaꞌaghi. Gognarogne ghehati nomhini God tangomana te cheke ka tahati naikno na, neuba ghehati karhau ngala, theome lehe!

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Hibru 11:27

Mae Moses ne fatutuani ni God ne jifla Ijep. Naugna mana theome mhaghuni te diꞌatagna fara mae king gna Ijep. Nu mana kegra maku, naugna jateu mana la filonihi God mae ihei te theo kaisei naikno te filoni kau tathagna.

Fapea Timoti 1:10

Nu nogna namha mana igne neke theome thakle ka tahati ghilei mei noda mae Fakarhai Jisas Kraes. Mae Jisas neke roꞌenihi nogna nolaghi glehe na, eghuteuna ka Nonomho te Keli igne, mana neke falalase ranghi ghita u nabrou te mala hatini tahati u karha te theo ka huigna na.

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Eksodas 33:14

Lord ne cheke eghu, “Moses, thosei nanga nou! Iara ginauna tei balumu iagho! Gobigna lepore ginauna keli ranghi nigho iagho.”

Kolose 1:15

Mae Kraes gne thofno thotoghale gna God mae ihei tahati te theome filoni na, nei thofno Thugna God, pha'udi glepo vuavuha fateo.

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Ululahu Kings 12:25

Aonu King Jeroboam ne horo nogna namono Sekem ke kligna thogele ka provins Efrem. Aonu mana bara ne lithui ka thina biꞌo namono igne mala fanogradi nogna naoka re. Mana jifla jare ne tei Peniel, eghuteuna mana jaola ne bara ne lithui ka thina biꞌo namono igne.

Jajis 8:17

Eghuteuna ke leghugna igne mare neke pulo mei namono Peniel ne paꞌe soru thoa biꞌo igne. Eghuteuna mare jaola ne aknu falehe goro mae biꞌogna namono igne.

Jajis 8:8

Ke leghugna te jifla Sukot na, mare tei posa namono Peniel, eghuteuna mana jaola ne tore gano ka naiknogna namono igne. Nu mare ne cheke jateula unha teke chekedi naiknodi Sukot ra neu.

Diutronomi 34:10

Mae Moses gne kaisei mae profet biꞌogna Israel ghilei mei posa gognarogne, eigna theo kaisei profet te jateula mana teu te thofno filoni tathagna Lord na te cheke balugna mana na.

Jenesis 28:19

Mana ne kiloni vido igne Betel, gaoghathogna nangha igne sugagna God eghu. Tifa na mare neke kiloni namono igne Lus.

Ululahu Korin 13:12

Gognaro na tahati theome tangomana te thofno filo glanidi glepo eigna God re jateula te filo ka thiro te theome klino ia eghu. Nu ka narane nathuꞌu nauriha na, tahati ginauna filo fakelidi gobigna lepore jateula ka tathagna God thegna eghu. Eghume unha te laseni iara eigna God gognaro na, theome naba. Nu ka narane tuana, iara ginauna na thofno lase fakelini God, jateula God te thofno lase fakeli ghauhi iara eghu.

Josua 5:13

Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”

Jenesis 35:9

Ke leghugna te jifla mae Jekop Mesopotemia teke pulo Kenan, God neke thaklei ka mana ne fablahini mana.

Jajis 13:17

Manoa na ne cheke eghu, “Iagho ihei nanghamu na? Ghepa magnahaghei te laseni, naugna kate thoke mei tutuani unha te chekedi iagho igre, ghepa magnahaghei te cheke fakeli nigho iagho.”

Jajis 13:18

Nu engel nogna Lord na ne cheke eghu, “Naugna unha si ghopa te magnahaghei laseni nanghagu iara gnea? Nanghagu iara na haghe fara te mala laseni ghopa na.”

Profet Isaia 9:5

Uve, ghehati thofno glealeꞌa fara, naugna nodi buti mala fahaghe mae soldia ka magra balu nodi pohe te fodu ka dadara are, ginauna thofno knoro ka khaꞌaghi jateula naknoro eghu.