Jenesis 32:29 - Buka Blahi Ka Cheke Holo

²⁹ Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.

Jenesis 32:29 ပူးပေါင်းရင်းမြစ်များ

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Thoutonu Eigna Mae Job 11:7

“Ba, iagho gaoghathomu na iagho tangomana te lasedi gobigna lepo te mamhara eigna God? Ba, iagho tangomana te thokeni khukrugna nogna nolaghi God mae ihei te au nolaghi fateote'o igne?

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Proveb 30:4

Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Diutronomi 29:29

“Lord noda God tahati na au keha nogna gaoghatho poru te theome tangomana kaisei naikno te laseni. Nu mana cheke ranghi ghitahi ka nogna vetula na, nei ka iheire nate karha mei ke leghuda, eghume tahati mala leghudi fabrahu nogna cheke te gnafa mana re.”

Jenesis 35:9

Ke leghugna te jifla mae Jekop Mesopotemia teke pulo Kenan, God neke thaklei ka mana ne fablahini mana.

Jenesis 17:5

Gognaro na naiknore kilo nigho iagho mae Ebram, nu funu gognaro te haghe na naiknore ginauna na kilo nigho iagho mae Ebraham, naugna iara neke vahi nigho mala kmadi naikno kmana.” U gaoghathogna “mae Ebraham” teu igne, “Kmadi naikno kmana” eghu ka cheke Hibru na.

Jenesis 35:10

God ne cheke eghu ka mana, “Gognaro na nanghamu iagho na Jekop. Nu naiknore ginauna na theome kilo nigho iagho Jekop. Nu naiknore ginauna na kilo nigho iagho Israel.” Aonu God ne kiloni mana Israel.

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Ululahu Kings 18:31

Aonu mana ne hata nabotho phei thina, thina igre nanaba ka nabotho phei vike teke karha mei ka nabotho phei thugna mae Jekop, mae ihei Lord te kiloni mana Israel.

Fapea Kings 17:34

Mare edi fabrahu ngala nodi kastom tiatifa igre ghilei mei posa ka narane gognarogne. Mare theome tarai ka Lord nei theome leghudi nogna vetula, nogna cheke eghu Lord teke tusu lao ka vikegna mae Jekop, mae ihei te kiloni Israel.

Ululahu Kronikols 1:34

Mae Ebraham na neke kmagna mae Aesak. Eghuteuna teke thugna mae Aesak re, neke mae Iso ghe mae Israel.