Jenesis 32:25 - Buka Blahi Ka Cheke Holo

²⁵ Mae ihei te magra balugna mae Jekop igne mana laseni na te theome tangomana te uluni mae Jekop na. Aonu mana ne loku lao ka thudu sorogna mae Jekop na ne fablughuni ghahegna mana na.

Jenesis 32:25 ပူးပေါင်းရင်းမြစ်များ

Matiu 26:41

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Profet Isaia 45:11

Lord, nodi God te Blahi mae Israel, mae ihei teke vuavuha ghita tahati igne, mana neke cheke eghu, “Ghotilo theo nomi nolaghi te ghusna ghau iara eidi keha thugu iara gre! Eghuteuna ghotilo jaola theo nomi nolaghi te mala cheke ranghi ghau iara unha te mala eni iara na!

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Jenesis 32:32

Aonu funu ka narane igne te ghilei posa ka narane gognaro gne mae Israel gre ne theome ghamu nafnahi te au ka sorodi buluka ba sipu ba nanigot teure, naugna God neke habo ka sorogna mae Jekop na.

Jenesis 19:22

Nu faghose chari me tei iagho jare eghu. Iara ginauna na theome eni kaisei glepo ka namono Sodom ghe Gomora ghilei posa lao ghotilo jare.” Mae Lot ne kiloi namono igne Soa, naugna ne namono ikoi fara. Eigna gaoghathogna “Soa” teu igne ikoi eghu.

Matiu 26:44

Mae Jisas ne jifla kokodi thilomare neke tei tarai fatilo fata na, neke chekedila unha teke chekedi thegna re.

Jenesis 32:24

Nu mana ne au faleghu neu thegna jare. Eghuteuna kaisei mae ne mei ka mana ne magra balugna mana ne ghilei haghe naprai na.

Jenesis 32:26

Aonu mana ne cheke eghu ka mae Jekop, “Lisei ghau iara sagho, naugna u naprai gne la haghehi.” Nu mae Jekop ne cheke eghu ka mana, “Iara ginauna na theome snakre tei nigho iagho ghilei fablahi ghau iara ghu iagho!”