Jenesis 32:22 - Buka Blahi Ka Cheke Holo

²² Ka bongi tuana mae Jekop kegra haghe ne hata phei khetognare, phei nogna gaꞌase gloku re nei nabotho kaisei thugnare neu ne kasa ka khoꞌu Jabok.

Jenesis 32:22 ပူးပေါင်းရင်းမြစ်များ

Diutronomi 3:16

Eghuteuna keha vidogna rijon igne balugna glose te tei posa ke mata Khoꞌu Anon iara neke tusu lao ka vikegna mae Ruben nei ka vikegna mae Gad. Nodi glose mare na, fofotagna ke mosu na doglo farihotei Khoꞌu Anon, eghuteuna fofotagna ke maghati na ka Khoꞌu Jabok, eghuteuna naiknodi Amon igre mare au ka keha phile na.

Diutronomi 2:37

Nu tahati neke theome tei ka nodi namono vikegna mae Amon, neubane ka Khoꞌu Jabok ba holo ka thogelero, naugna Lord, noda God tahati igne neke lhoti ghita tahati.”

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Josua 12:2

Kaisei na mae Sihon nodi king mae Amo. Mae igne au ka namono biꞌo Hesbon. Fofotagna kantri te funei fruni mana igne, funu ka namono Aroa rhegna sare khoꞌu Anon tei posa ka khoꞌu Jabok. Khoꞌu Jabok igne nohi te fotadi namono biꞌo Aroa ghe nohi Amon. Igne atha kaisei vido ka nohi Gilead.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 29:21

Kate gnafadi fitu finogha igre mae Jekop ne cheke eghu ka mae Laban, “Arohila iara gnafadi re fitu finogha ra, fameila sagho khetogu iara na mala thuru la iara balugna.”

Jenesis 32:21

Aonu mae Jekop ne kulu fahata u namha igre ka tothoghei ulu lahu na mala tusu lao ka mae Iso. Nu mae Jekop ne au neu ka grorofe na ka bongi tuana baludi khetogna nei thugna teure.

Jenesis 32:23

Mana ne kulu hata fakasadi ka keha phile khoꞌu na, aonu mana neke pulo neke chekedi nogna mae glokure mala hata nogna gobigna lepore.

Jajis 11:13

Funeigna Amon igne ne cheke eghu ka mare, “Tifa te mei na, kate jifla kuꞌemi ghotilo Ijep ra, mare mei neke hata nomi glose ghehati te funu ke mata khoꞌu biꞌo Anon, eghuteuna leghuni Khoꞌu biꞌo Jordan ke mosu, eghuteuna tei posa ke raru Khoꞌu biꞌo Jabok. Gognarona ghotilo ke tusu fapulo glose tuare. Jame te eghu ghotilo na, ghehati ginauna theome eni kaisei magra.”