Jenesis 32:11 - Buka Blahi Ka Cheke Holo

¹¹ Iara tore nigho iagho mala fakarhi ghau ka mae ke biꞌogu Iso. Iara mhaghu nogu fara glahula mei mana falehe fateo ghami ghehati hui, gaꞌase nei sua teu igre.

Jenesis 32:11 ပူးပေါင်းရင်းမြစ်များ

Proveb 18:19

Ninhigrana fara te tei namo ka mae thabusigna te diꞌatagna ka iagho na, naugna mana jateula namono biꞌo te bara te lithui ka thina ra eghu. Nogna fapholai mana igne jateula grengatha aean te loki mare ra eghu.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Hosia 10:14

Eghuteuna mae naokare ginauna mei goigoni nomi namono biꞌo ghotilo te bara te maku igre. Uve, goigoni nate eni mare igne na jateula teke eni king Salman teke groꞌe namono biꞌo Bet-Abel tifa ia eghu. Ka magra igne mare neke goigonidi fara goro gaꞌase nei thudi teure neke koko tafri ka namono na.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Nodi Khoje Hatimare Mae Jiu 142:6

Fanomho mei sagho ka nogu tharai thotogho iara gre, naugna gaoghathogure la thofno glaꞌe soruhi. Mei fakarhi ghau iara sagho naugna hatimare mae naoka gre theome tangomana iara te tapla sorudire.

Nodi Khoje Hatimare Mae Jiu 119:134

Fakarhi ghau ka iheire te magnahaghei falehe ghau iara gre, mala tangomana iara te leghu fakelidi nou famane cheke iagho gre.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 31:2

Nomhi ghau nei fakarha ghau eghu gognaro gne. Iagho jateula thogele thina eghu mala poru iara. Iagho bara fakeli ghau iara mala theome tangomana nogu naokare te mei tapla soru ghau iara na.

Nodi Khoje Hatimare Mae Jiu 25:20

Reireghi fakeli ghau nei fakarhi ghau eghu ka nogu naoka gre, thosei snakredi mare mala famamaja ghau. Naugna iagho nogu vido keli mala poru iara.

Nodi Khoje Hatimare Mae Jiu 16:1

God, iara te tore nigho mala reireghi fakeli ghau, naugna iara fatutuani nigho te mala bara fothi ghau na.

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Ululahu Samuel 12:10

Ka narane tuare kuꞌeda tahati tura neke tanhi ka Lord mala toghodi, mare neke tarai eghu, ‘Lord, ghehati la theome leghu nigho nei la tei koko nigho eghu! Eghuteuna ghehati tarai ka mumujudi phei god, Baal ghe Astarot. Lord, fakarhi ghami nei hata fajifla ghami eghu ka nodi nolaghi nomi naoka gre, mala ke tufru soru nigho ghehati.’

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Diutronomi 22:6

“Jame ghotilo filoni gnokugna nanghaji na kligna ka gaju ba pari ka glose te opo nakredi ba ka thugna na, ghotilo thosei falelehe idogna na.

Jenesis 27:42

Rebeka ne nomhi unha te ghathoni mae Iso igne ne ehani mae Jekop ne cheke eghu ka mana, “Fanomho fakeli iagho ia. Tighamu iagho Iso gne fameomegoni thegna ka gaoghatho te mala falehe nigho iagho na.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Jenesis 32:7

Mae Jekop ne nomhini cheke igne ne mhaghu nogna fara. Aonu mana ne fofota naikno re ka phei tothoghei. Mana jaola ne fofota buluka, sipu, nanigot, nei kamel teure ka phei tothoghei.

Jenesis 33:4

Nu mae Iso chari ne tei ne loku famaku ka khamegna mae Jekop na ne kubae ka mana, eghuteuna phia mare ne orio tanhi fabiꞌo.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Fapea Samuel 7:18

Mae King Devet nomhidi nogna cheke God igre ne tei ruma ka nogna Suga Tapuale Lord na ne gnokro soru ke ulugna Lord ne tarai: “Lord God, iara nei tharaknagu teu igre tharuma'ei kolho. Neuba, iagho keli fara ranghi ghau iara.