Jenesis 32:10 - Buka Blahi Ka Cheke Holo

¹⁰ God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Jenesis 32:10 ပူးပေါင်းရင်းမြစ်များ

Nodi Khoje Hatimare Mae Jiu 18:35

God, iagho fakarhi ghau iara ka khamedi naoka gre. Iagho pophoru ghau iara ka nou greoreo iagho ana. Iagho loku haghedi khamegu gre mala kegra heta iara. Kate cheke tughuni iagho nogu thore iara na, iara na fnakno ka tathadi naikno gre.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Fapea Samuel 7:18

Mae King Devet nomhidi nogna cheke God igre ne tei ruma ka nogna Suga Tapuale Lord na ne gnokro soru ke ulugna Lord ne tarai: “Lord God, iara nei tharaknagu teu igre tharuma'ei kolho. Neuba, iagho keli fara ranghi ghau iara.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Luku 17:10

Eghume ghotilo ginauna jateula tuana eghu. Kate edi ghotilo gobigna lepo teke chekedi God re, ghotilo cheke eghu kolho, ‘Tahati mae gloku kolho, eghuteuna theome naba kaisei naikno te fafnakno ghita na, naugna tahati edi kolho glepo te mala edi tahati teku re.’ ”

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Isaia 63:7

Iara ginauna toutonuni puhigna Lord te ghatho tahu ghita fabrahu nogna naiknore. Iara ginauna cheke fakelini mana eidi glepo te keli teke edi mana ra. Mana fakakhana te kokhoni ghita tahati naiknoda Israel, mana jaola fakakhana nogna namha te theo ka huigna.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Nodi Khoje Hatimare Mae Jiu 84:7

Kate haghe naiknore Saion na, mare nake heta fapulo, naugna mare ginauna na filoni God.

Nodi Khoje Hatimare Mae Jiu 61:7

God, iagho tangomana te snakreni mana te mala funei fruni fabrahu ke ulumu iagho. Lord, tore nigho mala bara fothini mana! Naugna te laseni iara na iagho namhani mana nei tajini fabrahu eghu nou nhaꞌa cheke na.

Nodi Khoje Hatimare Mae Jiu 16:2

Iara cheke eghu ka Lord, “Lord, iagho nogu funei iara. Gobigna lepo te au ka khamegu iara na igre neke mei funudi ka iagho ngala.”

Nodi Khoje Hatimare Mae Jiu 8:5

Neuba ngau, nafnakno teke tusu mei iagho ka ghehati igne thofno biꞌo fara uludi nafnakno fateote'o teke tusu lao iagho ka gobigna lepo te au ka maloa na are. Nu nomi nafnakno ghehati igne au kolho ke parigna nou nafnakno iagho kligna na.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Thoutonu Eigna Mae Job 8:7

Eghuteuna neuba nakarhamu iagho gognarogne ne jateula glepo te theo nafugna neu kolho, iagho ginauna fodu ka nou glepo kmana nate tusu ari mana ka iagho ginauna.

Diutronomi 8:18

Ghathoni Lord nomi God. Mana ngala mae ihei teke tusu ari nolaghi ka ghotilo na mala au nomi kmana glepo te keli. Mana eni igne gognarona naugna mana tajini nhaꞌa cheke teke eni mana baludi kuꞌemi ghotilo tifara.

Jenesis 32:7

Mae Jekop ne nomhini cheke igne ne mhaghu nogna fara. Aonu mana ne fofota naikno re ka phei tothoghei. Mana jaola ne fofota buluka, sipu, nanigot, nei kamel teure ka phei tothoghei.

Jenesis 32:5

Iara au nogu tothoghei buluka, dongki, sipu, nanigot, mae gloku nei gaꞌase gloku eghu. Iara faꞌari cheke igne ka iagho nei tore nigho iagho eghu mala keli iagho ranghi ghau iara eghu.’ ”

Jenesis 30:43

Ka puhi igne mae Jekop ne kaisei mae dedei fara. Mana ne au nogna kmana sipu nei nanigot, nei mae gloku nei gaꞌase gloku, nei kamel nei dongki.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 18:27

Aonu mae Ebraham ne cheke eghu, “Lord, thosei diꞌatamu ka nogu cheke iara te kmana igre. Iara gne khogla naikno kolho. Iara gne theome nabagu te mala chekeni kaisei glepo ka iagho na.

Fapea Samuel 17:24

Aonu King Devet nei mae te balugna mana re eghu la tei posahi ka namono Mahanaem. Ka narane tuare mae Absalom ne hata armigna Israel na ne batudi ne tei kasa ka Khoꞌu biꞌo Jordan.

Jenesis 24:12

Mae gloku na ne tarai ne cheke eghu, “Lord, iagho nogna God nogu mae funei iara Ebraham. Togho ghau iara mala tangomana iara te filoni kaisei gaꞌase te malagna thugna mana na gognaro gne, mala keli nogu gloku iara na ka tathagna nogu mae funei na.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 31:3

Lord ne cheke eghu ka mae Jekop, “Ghema, ke pulo sagho ka namono aheva teke au mae kmamu nei vikemu teku ra. Iara gne ginauna au balumu iagho.”