Jenesis 31:7 - Buka Blahi Ka Cheke Holo

⁷ Nu kmana fata mana neke chaghi ghau iara nei mana neke tuthughu fofoligu iara na. Nu God na theome snakreni mae kmami ghopa gne te mala para ghau iara na.

Jenesis 31:7 ပူးပေါင်းရင်းမြစ်များ

Jenesis 31:41

Iara neke loku jateula mae sneka neku ranghi nigho iagho varadaki finogha. Iara neke loku maladi phei thumu gaꞌase iagho igre nabotho fati finogha, eghuteuna keha namno finogha ra iara neke loku ranghi nigho iagho te mala hata keha nogu sipu nei nanigot teu na. Ka narane te loku iara ranghi nigho igre, iagho neke tughu fofoligu iara na nabotho fata ia eghu.

Jenesis 31:29

Iara jame neke fadiꞌa ghami ghotilo, nu bongi na God mae ihei te tufru soruni mae kmamu iagho na neke cheke eghu ka iara, ‘Fiofilo nighoi! Thosei eni kaisei glepo mala mhaghu mae Jekop.’

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Nehemaea 4:12

Nu leuleghu fata na mae Jiu te au rhedi mae naoka igre mei cheke eghu koba ka ghehati, “Ghotilo jifla ka namono igne mala mei au balumi ghehati!”

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Profet Isaia 4:1

Ka narane tuana, fitu gaꞌase magnahaghei te tolaghi ka kaisei mae nalhaꞌu kolho, eghume goro gaꞌase igre ginauna cheke eghu, “Ghehati tangomana te hiro ghemi gano nei pohe eghu themi. Nu ghehati thono mamaja nomi fara, naugna ghehati gne theo khetomi. Eghume ghehati magnahaghei te tolaghi nomi ka iagho.”

Thoutonu Eigna Mae Job 19:3

Kmana fata ghotilo te cheke goigoni ghau iara na. Ba, ghotilo theome mamaja nomi kolho ka puhi te eni ghotilo ka iara igne?

Thoutonu Eigna Mae Job 1:10

Iagho doadofrani fabrahu mana baludi thugna nei gobigna lepo te khotodi mana re nei reireghidi mare. Iagho fablahidi nogna gloku mana re, nei rijon aheva te au mana igne la fodu ka sipu, ka kamel, ka buluka nei ka dongki eghu teke tusu lao iagho ka mana ra.

Levitikas 26:26

Ginauna na thoke mei thofno narane ninhigrana nate theo gano nate rofo ghotilo na, eghuteuna nabotho gaꞌase kolho nate tangomana nate kafe gahu bret ka kaisei biti kolho. Eghuteuna kate tufa ghotilo katha bret kolho, ghotilo ginauna rofo.

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Thoutonu Eigna Mae Job 19:8

God fanograhi nogu nabrou iara na, eghume iara theome tangomana te thugha na. Mana eni nogu nabrou iara igne mala au ka gromno.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Jenesis 29:25

Kate dofra haghe hamerane te filoni Lea na mae Jekop ne tei ka mae Laban ne cheke eghu ka mana, “Unha puhi site eni iagho ranghi ghau iara ignea? Iara neke loku heta ka nou gloku iagho ra malagna Resel gne neku, eghuteuna iagho ne chaghi ghau iara neu.”

Jenesis 30:28

Mae Laban neke fapea cheke eghu ka mae Jekop, “Uve, cheke fadoglo meini kolho sagho nihai te magnahaghei iagho na mala tusu ari iara ginauna ka iagho.”

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”