Jenesis 31:53 - Buka Blahi Ka Cheke Holo

⁵³ Mae Laban ne chekedi nanghagna nodi God mae kuꞌegna tifa ra ne cheke eghu, “Nogna God mae Ebraham nei nogna god mae Naho, mana nate chekeni mae ihei gne na te huhughuni u nhaꞌa cheke igne ka tapa na.” Aonu mae Jekop ne eni kaisei nhaꞌa cheke ka nanghagna God, God mae ihei kmagna mana mae Isak teke tufru soruni tifa na.

Jenesis 31:53 ပူးပေါင်းရင်းမြစ်များ

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Jenesis 16:5

Aonu Sarai ne cheke eghu ka mae Ebram, “Hega gne gognaro na theome keli ranghi ghau iara, eghuteuna igne u nakhibomu iagho! Tutuani, iara ngala teke snakreni nogu naikno gloku na ka iagho na. Nu gognaro na naꞌa la laseni te bukla thegna na, la filo fapari ghau iara eigna naꞌa ne naikno ke keli gu iarai eghu ka gaoghathogna! Eghume te magnahagheni iara na Lord ginauna na vahi meini ihei gne te doglo ka tapa na.”

Josua 24:2

Josua ne cheke eghu ka naiknore, “Tahati te gnafa na vikegna Israel naugna Lord ngala noda God tahati na. Mana ne cheke eghu, ‘Tifa te mei na kuꞌeda tahati ra au khaba ka keha phile Khoꞌu biꞌo Iufretis, mare theome gnafa te tarai ka keha god delei. Eghuteuna kaisei ka kuꞌeda tahati ra, nanghagna na Tera, neke au phei thugna nalhaꞌu nanghadire, Ebraham ghe Naho.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Jenesis 14:22

Nu mae Ebram ne cheke eghu ka mae king gna Sodom na, “Lord, God te fnakno fara, mae ihei teke vuavuhadi maloa ghe nauthoglu gre, iara nhaꞌa cheke ka nanghagna mana, iara theome tangomana te tathaji kaisei nou glepo iagho malagu thegu na tulao kaisei glepo ikoi fara jateula naglaja mala susuki ba gnarho mala famamhaku sadol. Thono theo fara. Ka puhi igne iagho theome tangomana te cheke eghu na, ‘Ka iara neke dedei fara nga si mae Ebram gnea teuna.’

Jenesis 31:52

Nali thina igne nei thina brahu igne eghu jateula te fagaglana gna eghu noda nhaꞌa cheke tapa na. Iara ginauna na theome tangomana te gasa plomhei ni fagaglana igne te mala ari magra ka iagho na, nei iagho jaola theome tangomana te gasa plomhei ni fagaglana igne te mala mei magra ka iara na eghu.”

Jenesis 47:31

Aonu mae Jekop neke cheke eghu fapulo, “Iagho nhaꞌa cheke ka iara kate thofno tutuani fara te mala eni iagho igne na.” Kate eni te gnafa mae Josep u nhaꞌa cheke igne, mae Jekop ne thuru soru ka nogna sape na.

Eksodas 5:21

Aonu mae greireghi igre ne cheke eghu ka Moses ghe Eron, “Snakreni Lord mala para ghami ghopa eidi glepo te edi ghopa igre. Ghopa eni king nei nogna funei mana igre mala theome magnahaghei ghami ghehati jateula mae ihei te theome magnahagheni glepo te siri diꞌagna fara ia neu. Ghopa ei puhi ranghidi mare mala falehe ghami ghehati!”

Jajis 11:27

Ghehati theome eni kolho kaisei glepo te diꞌa ka ghotilo! Nu ghotilo kolho te edi glepo te diꞌa te mei ghotilo te magri ghami ghehati! Lord mae ihei te fate naikno ka puhi te doglo na, mana ginauna laseni ihei ka tahati te au nogna nolaghi ka glose igne.”

Ululahu Samuel 20:23

Eghuteuna nhaꞌa cheke te eni tapa gognarogne, Lord ginauna filo glani ka tapa, eghume tapa mala loku famaku nhaꞌa cheke igne.”

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!