Jenesis 31:49 - Buka Blahi Ka Cheke Holo

⁴⁹ Aonu mare ne kiloni namono igne Mispa ba Namono mala Fiofilo. Eigna mae Laban neke cheke eghu, “Kate fnota te sopa au tapa na Lord ginauna na fiofilodi puhida tapa re.

Jenesis 31:49 ပူးပေါင်းရင်းမြစ်များ

Jajis 11:29

Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.

Jajis 10:17

Ka narane tuare armigna Amon ne tarabana mala magra, eghuteuna mare mei ne au rijon Gilead. Eghuteuna naiknodi Israel igre jaola ne mei au ka namono Mispa ka rijon igne.

Profet Hosia 5:1

“Ghotilo mae pris ra, fanomho mei ka iara. Ghotilo maemi Israel ra, fanomho fakeli khulimi are ka nogu cheke iara igre. Ghotilo vikegna mae Devet ra, ghotilo fanomho mei ka iara. Nogu cheke iara igre ginauna fate ghami nei fadiꞌa ghami ghotilo eghu. Uve, kate pogho soru ghotilo ka mumuju ka namono biꞌo Mispa nei ka thogele Teboa teu igne fagaglana gna te jateula phighoro te mala falehe nanghaji ra teu ghotilo puhimi re.

Ululahu Kings 15:22

Ke leghugna igne, King Asa ne fatei cheke ka namono te gnafa Juda igre mala mei toghoni. Aonu mana kurudi mare ne tei pala ne mei thina balu thaba teke hata teke mei King Basa ka namono Rama. Eghuteuna King Asa ne bara ne lithui ka thina gringnidi phei namono Mispa ghe Geba ka nohi Benjamin.

Jajis 11:11

Aonu mana neke pulo baludi mare ka namono Mispa. Eghuteuna naiknodi Gilead igre ne fakegra funeini mana nei mae mala komanda ka armi. Eghuteuna ka narane igre, mana ne nhaꞌa cheke baludi mare ka tathagna Lord.

Ululahu Samuel 20:23

Eghuteuna nhaꞌa cheke te eni tapa gognarogne, Lord ginauna filo glani ka tapa, eghume tapa mala loku famaku nhaꞌa cheke igne.”