Jenesis 31:46 - Buka Blahi Ka Cheke Holo

⁴⁶ Mana ne chekedi vikegna re mala pulei mei keha thina mala famane titili fakeli nali thina igne. Eghuteuna ke leghugna igne vikedi mae Jekop ghe mae Laban igre ne khapru mei ne ghamu rhegna nali thina igne.

Jenesis 31:46 ပူးပေါင်းရင်းမြစ်များ

Eklesiasti 3:5

Narane mala koko thina nei narane mala pulei thina. Narane mala thuru fodu nei narane mala theome thuru fodu.

Fapea Samuel 18:17

Mare hata thinigna mae Absalom igne ne koko soru ke lamnagna kaisei khora. Aonu mare koko thina ke kligna ne tafru mana. Ka narane igne, hatimare mae soldia di Israel igre ne kafe rikha ne tei ka nodi namonore.

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.

Jenesis 31:54

Mana ne falelehe sipu ne fafara ka God ka thogele igne. Aonu mana ne kilo meidi vikegna re ne ghamu fodu u nafnahi teke fafara mana ka God na. Ke leghugna ghamu te gnafa na, mare ne thuru jare ka thogele na u bongi tuana.

Jenesis 31:37

Iagho la filo tonganahi ka nogu gobigna lepo iara gre, nu iagho theome filo dedi kaisei nou glepo jare. Jame te filoni iagho kaisei glepo na iagho fakakhana ke ulumi ghehati gnafa. Lilisei soru ke uludi vikemu are nei vikegu iara teu igre eghu. Eghuteuna tapa lisa lao ka mare mala vavahi mae ihei ka tapa te jafra na ka puhi igne.

Jenesis 31:32

Nu jame te keli na iagho hiro ka ghehati gnafa mala laseni ihei ka ghehati teke hatadi nou mumuju iagho re. Te filo deni di iagho nou mumuju re ka naikno tuana na, filou ghehati mala falelehe iagho naikno teke blaudi nou mumuju iagho re.” Mae Jekop theome laseni Resel gne ngala teke hatadi mumujure.

Jenesis 31:23

Aonu mae Laban ne salo fodu keha mae ne funu tei ke leghudi, mare ne tei naba fitu narane te mala posa ka vido aheva te au teu mae Jekop na. Mae Laban ne tei deni mae Jekop ka thogele Gilead.

Jenesis 31:45

Aonu mae Jekop ne hata kaisei thina brahu ne jokra haghe jare. Igne jateula kaisei fagaglana eghu eigna u nhaꞌa cheke teke eni phia mare igne.

Jenesis 31:47

Phiamare kiloni nali thina igne ka cheke thedi. Mae Laban ne kiloni Jegara Sahaduta, eghuteuna mae Jekop ne kiloni Galed. Mae Laban ne cheke eghu, “Gaoghathogna na u nali thina igne mala ke ghatho fapuloni noda nhaꞌa cheke ia.”