Jenesis 31:41 - Buka Blahi Ka Cheke Holo

⁴¹ Iara neke loku jateula mae sneka neku ranghi nigho iagho varadaki finogha. Iara neke loku maladi phei thumu gaꞌase iagho igre nabotho fati finogha, eghuteuna keha namno finogha ra iara neke loku ranghi nigho iagho te mala hata keha nogu sipu nei nanigot teu na. Ka narane te loku iara ranghi nigho igre, iagho neke tughu fofoligu iara na nabotho fata ia eghu.

Jenesis 31:41 ပူးပေါင်းရင်းမြစ်များ

Jenesis 31:7

Nu kmana fata mana neke chaghi ghau iara nei mana neke tuthughu fofoligu iara na. Nu God na theome snakreni mae kmami ghopa gne te mala para ghau iara na.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Jenesis 31:38

“Iara neke loku ranghi nigho iagho nabagna varadaki finogha. Ke lamnadi finogha igre nou sipu iagho ra nei nou nanigot iagho ra eghu neke fei sua neke vuragha. Filo sagho iara neke theome falelehe neke ghamu kaisei sipu nalhaꞌugna ka nou tothoghei sipu iagho ra.

Jenesis 27:44

Iagho mala tei au balugna mana jare ke ghilei jemnu soru nagnafagna mae tighamu na,

Jenesis 29:15

Mae Laban ne cheke eghu ka mae Jekop, “Iagho mae vikegu iara ngala, eghume jame theome raꞌe keli iagho jame te loku kolho ranghi ghau iara na. Eghume jame unha gne te magnahagheni iagho te mala taba nigho iara eigna nou gloku iagho na?”

Jenesis 30:28

Mae Laban neke fapea cheke eghu ka mae Jekop, “Uve, cheke fadoglo meini kolho sagho nihai te magnahaghei iagho na mala tusu ari iara ginauna ka iagho.”

Jenesis 31:40

Kmana fata iara neke brana ghau naprai ba neke rheka nogu kate loku bongiro na ba neke theome thuru fakeli nogu ka teke loku ranghi nigho iagho na.

Jenesis 32:4

Mae Jekop ne cheke eghu ka mare, “Tei ghotilo mala cheke eghu ka mae nogu funei iara Iso ia. ‘Ghema Iso, nou mae gloku iagho mae Jekop ia mana neke tei au kmana finogha balugna mae Laban eghuteuna gognaro na mana magnahaghei teke pulo mei.

Jenesis 31:6

Ghopa te gnafa na kafe laseni, iara neke loku heta fara ka mae kmami ghopa gne.