Jenesis 31:40 - Buka Blahi Ka Cheke Holo

⁴⁰ Kmana fata iara neke brana ghau naprai ba neke rheka nogu kate loku bongiro na ba neke theome thuru fakeli nogu ka teke loku ranghi nigho iagho na.

Jenesis 31:40 ပူးပေါင်းရင်းမြစ်များ

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Luku 2:8

Ka bongi tuana, keha mae grereighi sipu au neu jare ke kosigna namono na fiofilodi neu tothoghei sipure.

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Jenesis 31:39

Ka narane te filoni iara te lehe kaisei sipu ba kaisei nanigot ka nou tothoghei iagho ra, iara neke theome hata neke mei fakakhana ka iagho. Theo. Nu iara thegu ngala teke tughudi re. Leuleghu fata na iagho neke cheke faheta ka iara mala ke foli tughuni iara kaisei nou sipu ba kaisei nou nanigot teke mei hata khuma ka narane ba ka bongiro.

Jenesis 31:41

Iara neke loku jateula mae sneka neku ranghi nigho iagho varadaki finogha. Iara neke loku maladi phei thumu gaꞌase iagho igre nabotho fati finogha, eghuteuna keha namno finogha ra iara neke loku ranghi nigho iagho te mala hata keha nogu sipu nei nanigot teu na. Ka narane te loku iara ranghi nigho igre, iagho neke tughu fofoligu iara na nabotho fata ia eghu.

Diutronomi 8:15

Thosei ghatho ihoni teke batu ghami mana ke lamnagna namono nagou te krepa nei biꞌo fara nei diꞌa fara. Ka namono nagou aheva te au kmana mogo faghughumhu nei thafrasege, nei theo khoꞌu. Nu Lord neke chekeni khoꞌu na neke jifla mei ka kaisei thina biꞌo mala koꞌu ghotilo.

Profet Hagae 1:11

Iara famoja vido te gnafa ka kantri ghotilo igne. Eghuteuna vido ka thogele na are, vido te mala horo thobi, vido nagaredi grep, nagare di gaju oliv teu igre ke famoja gnafa. Puhi igne thoke ghami ghotilo naikno are, nu gobi lepo te tautagu te gnafa igre, ginauna thokedi langau gano jaꞌi mala karha teu ghotilo are eghu.”

Proveb 31:18

Naꞌa laseni fara te ei nogna bisnis na, eghuteuna kmana fata naꞌa loku bongiro.