Jenesis 31:36 - Buka Blahi Ka Cheke Holo

³⁶ Aonu mae Jekop ne thono diꞌatagna fara ka mae Laban ne cheke eghu, “Ba, unha najafra nei puhi te theome doglo eghu teke eni iara te ngolhi ghau iara te mei iagho gnea?”

Jenesis 31:36 ပူးပေါင်းရင်းမြစ်များ

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Fapea Kings 13:19

Nu puhi igne theome doglo ka mae profet, aonu mana ne cheke eghu ka king, “Jame puri sukha iagho ka glose gne glima fata ba namno fata meuna, iagho jame neke thofno uludi fara maedi Siria re, nu iagho ginauna thilo fata kolho nate uludi mare na.”

Fapea Kings 5:11

Nu kate nomhini mae Naman cheke igne, mana ne thono diꞌatagna fara neke funu figri. Eghuteuna mana ne cheke eghu, “Iara jau na jifla mana kosi filo ghau, eghuteuna ngafa mei ke klignadi thubugu iara gre, eghuteuna kiloni nanghagna Lord nogna God na mala fakeli ghau neu sia!

Naba 16:15

Moses ne thono diꞌatagna fara ne cheke eghu ka Lord, “Ne fafara age nga mare nu, those atha fafara tuare eghu! Iara theome eni kaisei glepo te diꞌa ka mare! Neubane glepo ikoi kolho jateula dongki neu, iara theome ke atha ngala!”

Jenesis 49:7

Puhi te diꞌatami fabrahu ghopa igne ngala te fadiꞌadi nagnafami ghopa re, eghuteuna diꞌatami ghopa igre e rheta fara nei diꞌa fara eghu. Iara ginauna na eni ghami ghopa mala fiti au tafri kolho ghopa baludi naikno di Israel igre.

Jenesis 34:7

Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Jenesis 30:2

Mae Jekop ne diꞌatagna ka Resel ne cheke eghu ka naꞌa, “God na theome snakreni te au sua iagho na. Eghume iara theome tangomana te eni unha God thegna ngala te tangomana te eni unha te chekeni iagho na eghu.”

Jenesis 31:35

Resel ne cheke eghu ka mae Laban, “Mama, thosei diꞌatamu ka iara. Iara gne theome nabagu te kegra haghe ke ulumu iagho kate thoke ghau iara nomi khabru ghehati goro gaꞌase gre.” Mae Laban ne filo tongana ka gobigna lepore ne theome filodi nogna mumuju re.

Jenesis 31:37

Iagho la filo tonganahi ka nogu gobigna lepo iara gre, nu iagho theome filo dedi kaisei nou glepo jare. Jame te filoni iagho kaisei glepo na iagho fakakhana ke ulumi ghehati gnafa. Lilisei soru ke uludi vikemu are nei vikegu iara teu igre eghu. Eghuteuna tapa lisa lao ka mare mala vavahi mae ihei ka tapa te jafra na ka puhi igne.

Naba 20:3

Mare ne cheke eghu, “Jame keli kolho teke lehe ghehati baludi iheire naikno teke lehe ke ulugna Lord ra!

Ululahu Samuel 20:32

Nu mae Jonatan ne cheke eghu, “Naugna unha te magnahaghei leheni mana iagho na? Unha najafra teke eni mana na?”