Jenesis 31:34 - Buka Blahi Ka Cheke Holo

³⁴ Nu mae Laban ne theome tangomana te filo deni nogna mumuju re. Naugna Resel hata neke pophoru mumujure igne ke lamnagna pilo teke gnokro naꞌa ka kamel na.

Jenesis 31:34 ပူးပေါင်းရင်းမြစ်များ

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Jenesis 31:17

Aonu mae Jekop kegra haghe ne hata u kamel na ne fasaghedi thugna nei khetogna teure.

Jenesis 31:33

Aonu mae Laban ne tei ruma ka nogna suga tapuale mae Jekop na ne filo ka gobigna lepore. Ke leghu na igne mana neke ruma ka nogna suga tapuale Lea na ne filo ka gobigna lepore. Mana jaola ne ruma nei filo ka nodi suga tapuale phei gaꞌase glokure, nu mana ne theome filoni nogna mumuju na. Eghuteuna mana jifla jare ne tei ruma ka nogna suga tapuale Resel na.

Jenesis 31:35

Resel ne cheke eghu ka mae Laban, “Mama, thosei diꞌatamu ka iara. Iara gne theome nabagu te kegra haghe ke ulumu iagho kate thoke ghau iara nomi khabru ghehati goro gaꞌase gre.” Mae Laban ne filo tongana ka gobigna lepore ne theome filodi nogna mumuju re.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Levitikas 15:9

“Jame mae ihei te au fogra tuana mana gnokro ka kaisei chea ka hose ba kamel, te eghu na, chea tuana theome klino ka tathagu iara na.

Jajis 18:24

Aonu Maeka ne cheke eghu, “Ghotilo laseni unha te jafra na! Ghotilo hata nogu pris iara na baludi mumuju teke horo iara ra. Iara theo kaisei glepo te salaꞌu na!”