Jenesis 31:32 - Buka Blahi Ka Cheke Holo

³² Nu jame te keli na iagho hiro ka ghehati gnafa mala laseni ihei ka ghehati teke hatadi nou mumuju iagho re. Te filo deni di iagho nou mumuju re ka naikno tuana na, filou ghehati mala falelehe iagho naikno teke blaudi nou mumuju iagho re.” Mae Jekop theome laseni Resel gne ngala teke hatadi mumujure.

Jenesis 31:32 ပူးပေါင်းရင်းမြစ်များ

Jenesis 31:30

Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Jenesis 31:23

Aonu mae Laban ne salo fodu keha mae ne funu tei ke leghudi, mare ne tei naba fitu narane te mala posa ka vido aheva te au teu mae Jekop na. Mae Laban ne tei deni mae Jekop ka thogele Gilead.

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Jenesis 30:33

Eghuteuna ke leghu na kate tei teke fifilo iagho na, iagho ginauna na tangomana te filodi sipu nei nanigot teu te hata iara jateula fofoligu teu iara re, nei iagho ginauna na thofno laseni te tutuani ba te theo nogu cheke iara na. Jame te filoni iagho kaisei nanigot te theome thuthunu ba kaisei sipu te theome pipito te au teu baludi nogu sipu iara re, uve, iagho ginauna na lase ghau iara ngala teke blau na.”

Jenesis 19:7

Mana ne cheke eghu, “Kheraguro, thosei mei eni kaisei puhi te diꞌa agne!

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 31:31

Mae Jekop ne cheke eghu ka mae Laban, “Iara megei nga neke rikha, naugna iara neke mhaghu nogu nigho fara, eigna iagho jame neke hata fapulo phei thumu gaꞌase igre.

Jenesis 31:33

Aonu mae Laban ne tei ruma ka nogna suga tapuale mae Jekop na ne filo ka gobigna lepore. Ke leghu na igne mana neke ruma ka nogna suga tapuale Lea na ne filo ka gobigna lepore. Mana jaola ne ruma nei filo ka nodi suga tapuale phei gaꞌase glokure, nu mana ne theome filoni nogna mumuju na. Eghuteuna mana jifla jare ne tei ruma ka nogna suga tapuale Resel na.