Jenesis 31:30 - Buka Blahi Ka Cheke Holo

³⁰ Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Jenesis 31:30 ပူးပေါင်းရင်းမြစ်များ

Jajis 18:24

Aonu Maeka ne cheke eghu, “Ghotilo laseni unha te jafra na! Ghotilo hata nogu pris iara na baludi mumuju teke horo iara ra. Iara theo kaisei glepo te salaꞌu na!”

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Profet Jeremaea 10:11

“Ghotilo cheke eghu ranghidi naikno bongihehe are, ‘Nomi god ghotilo are neke theome vuavuha nauthoglu ghe maloa igre, nu God mae ihei teke vuavuhadi nauthoglu ghe maloa igre ginauna goigonidi gnafa god igre mala dofidi ka nauthoglu igne.’ ”

Profet Jeremaea 43:12

Iara ginauna chekeni king mala gnubra nodi Sugablahi mumuju god mae Ijep. Eghuteuna mana ginauna atha tei mumuju igre ka nogna namono na. Mana ginauna na jaola goigoni Thina blahi te au ka namono Heliopolis. Eghuteuna mae king igne ginauna atha fajifla gobigna lepo gna Ijep, jateula mae greireghi sipu te atha koko theli ka nogna pohe na ia eghu. Ke leghu, mana na jifla ka kantri tuana, eghuteuna theo kaisei mae nate au teu jare te mala magra ka mana na.’ ”

Profet Isaia 37:19

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Fapea Samuel 5:21

Maedi Filistia igre rikha ne lisei faleghu nodi mumujure Baal Perasim. Aonu mae Devet baludi nogna soldia re hata mumuju igre ne tei baludi.

Jajis 6:31

Nu Joas ne cheke eghu ka mare, “Ba, ghotilo magnahaghei te fakarhini Baal? Ghotilo magnahaghei te toghoni mana? Jame kaisei mae fariuriu toghoni Baal, mana ginauna lehe ame hamerane nga eghu. Jame te thofno god tutuani Baal na, snakreni Baal mala tafrani thegna ka mae ihei teke paꞌe soru nogna olta Baal.”

Naba 33:4

Ka narane tuana, naiknodi Ijep gre ne giugilu mae thudi nalhaꞌu teke kulu karha teke falehe Lord mala paradi nodi god naiknodi Ijep ia.

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Jenesis 31:31

Mae Jekop ne cheke eghu ka mae Laban, “Iara megei nga neke rikha, naugna iara neke mhaghu nogu nigho fara, eigna iagho jame neke hata fapulo phei thumu gaꞌase igre.

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Josua 24:2

Josua ne cheke eghu ka naiknore, “Tahati te gnafa na vikegna Israel naugna Lord ngala noda God tahati na. Mana ne cheke eghu, ‘Tifa te mei na kuꞌeda tahati ra au khaba ka keha phile Khoꞌu biꞌo Iufretis, mare theome gnafa te tarai ka keha god delei. Eghuteuna kaisei ka kuꞌeda tahati ra, nanghagna na Tera, neke au phei thugna nalhaꞌu nanghadire, Ebraham ghe Naho.

Jajis 18:17

Aonu pris igne tei au ka grengatha na baludi soldia gre. Nu glima mae igre tei lamna suga ne hata fajifla mumuju teke horo ka silva balu efod nei keha mumuju langau eghu.

Profet Esikiel 21:21

Naugna king gna Babilonia na kegra ka fagaglana ka vido aheva te fnota nabrou na. Ka vido tuana te loku ka ghodi teu mana nogna jatare jateula giligomo eghu, eghuteuna mana cheke ka nogna mumuju god re mala laseni gaoghathogna mana na, eghuteuna mana famane filo fakeli ka khebugna buluka teke fafara ka nogna god re. Mana eni u nafnata giligomo igne mala laseni nabrou aheva nate leghuni mana na.

Naba 10:30

Nu mae Hobab ne cheke eghu, “Theo, iara ginauna au kolho ka nogu vido gne baludi thabuknagu thegu gre.”