Jenesis 31:24 - Buka Blahi Ka Cheke Holo

²⁴ Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Jenesis 31:24 ပူးပေါင်းရင်းမြစ်များ

Jenesis 24:50

Mae Laban ghe mae Betuel ne cheke eghu, “Igne thofno gaoghatho neke mei funugna ka Lord, eghume ghepa theome naba te eni kaisei cheke ka puhi igne na eghu.

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 31:29

Iara jame neke fadiꞌa ghami ghotilo, nu bongi na God mae ihei te tufru soruni mae kmamu iagho na neke cheke eghu ka iara, ‘Fiofilo nighoi! Thosei eni kaisei glepo mala mhaghu mae Jekop.’

Naba 24:13

Neubane tufa mei mae Balak nogna gol nei silva teure ka iara, iara theome tangomana te huhughuni nogna cheke Lord na. Neubane glepo keli ba glepo diꞌa neu, iara theome tangomana te chekeni kaisei glepo te jifla mei ka gaoghatho guna. Iara mala chekedi kolho unha teke tonu mei Lord ka iara re.

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Matiu 27:19

Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Thoutonu Eigna Mae Job 33:25

Ka narane tuana, thinigna mae igne tangomana teke keli fapulo na, eghuteuna mana ginauna nake nheta fapulo jateula mae majaghani eghu.’

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Diutronomi 26:5

Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Naba 22:26

Aonu engel na neke kulu tei kegra ka vido ikoni te theome snagla ka geridire mala theome tangomana dongki gne te tei salaꞌu na.

Naba 22:20

Ka bongi tuana God ne mei ka mae Balam, ne cheke eghu ka mana, “Eghume te mei mae igre te cheke ka iagho mala tei baludi teuna, iagho tei baludi mare, nu edi kolho iagho unha te chekedi iara ka iagho re eghu.”

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 41:1

Salaꞌu phia finogha ke leghugna igne mae king gna Ijep na ne mifi. Nogna mifi mana na ne eghu agne, kate kegra teu mana ka gerigna Khoꞌu biꞌo Nael,

Jenesis 40:5

Kaisei bongi phia mare ne mifi. Nodi mifi phei mae igre ne theome kaisei nanaba, nei gaoghathodi re jaola ne theome kaisei nanaba.

Jenesis 31:10

“Kate thokeni narane te mala paꞌukudi nanigot igre iara neke mifi neke filodi nanigot nalhaꞌudi te thuthunu gre neke paꞌuku ka gaꞌasedi re.

Jenesis 28:5

Aonu mae Isak ne kuru teini mae Jekop ka mae Laban, thugna mae Betuel ka namono Mesopotemia. Mae Betuel gne kaisei mae ka vikegna mae Aram. Eghuteuna mae Laban gne neke thabusigna Rebeka, idodi mae Jekop ghe mae Iso.

Matiu 2:12

Nu God ne cheke faheta fara ka mare kau mifi na mala thosei ke pulo mare kau nabrou te thoke ka mae King Herod. Aonu mare neke pulo ka nodi namono na ka keha nabroui.

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Jenesis 31:7

Nu kmana fata mana neke chaghi ghau iara nei mana neke tuthughu fofoligu iara na. Nu God na theome snakreni mae kmami ghopa gne te mala para ghau iara na.

Jenesis 31:11

Ka mifi igne, nogna engel God na ne cheke eghu ka iara, ‘Jekop!’ Iara ne cheke eghu, ‘Hoe.’

Jenesis 31:23

Aonu mae Laban ne salo fodu keha mae ne funu tei ke leghudi, mare ne tei naba fitu narane te mala posa ka vido aheva te au teu mae Jekop na. Mae Laban ne tei deni mae Jekop ka thogele Gilead.

Jenesis 31:25

Jare mae Laban ne filoni mae Jekop te hohoro suga tapuale teu ka thogele na. Aonu mae Laban nei mae teke tei balugna re eghu ne jaola ne hohoro nodi suga tapuale na jare ka thogele Gilead.