Jenesis 31:2 - Buka Blahi Ka Cheke Holo

² Mae Jekop jaola ne glani ni puhigna mae Laban na ne nhogri eigna mana theome magnahagheni mae Jekop te mala jateula teke tifa ra teuna.

Jenesis 31:2 ပူးပေါင်းရင်းမြစ်များ

Profet Daniel 3:19

Kate nomhini King Nebukadnesa igne, mana ne diꞌatagna fara ka mae Sadrak, mae Misak nei mae Abenegho. Aonu mana ne cheke faheta ka nogna mae glokure mala eni khaꞌaghi na mala brana fara nabagna fitu fata salaꞌuni teke ului na.

Jenesis 4:5

Nu Lord ne theome ghatho tahuni nogna fafara mae Kein na. Mae Kein ne diꞌatagna ne ngingirini fara.

Ululahu Samuel 19:7

Aonu mae Jonatan ne kiloni mae Devet ne toutonu ka mana unha teke chekedi phia mare mae kmagnare. Mana neke atha fapuloni mae Devet ka mae Sol, jateula teke au mana balugna king ulu lahura neu.

Jenesis 30:27

Mae Laban ne cheke eghu ka mana, “Uve, igne unha nate chekeni iara ka iagho na. Iara neke magnahaghei laseni gaoghathogna Lord na, nu igne unha teke laseni iara na eghu, Lord neke fablahi ghau iara, naugna iagho neke loku ranghi ghau iara.”

Diutronomi 28:54

Eghuteuna neuba kaisei mae te keli te thofno ke keli fara puhigna na, nu ka narane tuana, mana ginauna diꞌa nagnafagna fara ka grofo, aonu mana ginauna aknu falehe kaisei thugna mala ghamu nafnahigna na. Nu mana ginauna na theome tangomana te tufa kaisei nafnahi ka mae kheragna na, ba ka khetogna te namhani fara mana na, ba ka keha thugna te karha teure.

Diutronomi 19:4

“Jame kaisei mae theome ghathoni te mala diꞌatagna na nei theome ghathoni kolho te mala aknu faleheni keha mae na, nu keha mae igne lehe teuna, ghotilo snakreni mae igne rikha tei mala poru ka kaisei ka thilo namono igre.

Eksodas 4:10

Nu Moses ne cheke eghu ka Lord, “Lord, iagho thosei kuru ghau iara, naugna funu tifa te mei na, iara theome raꞌe cheke fakeli. Eghuteuna neuba iara ne chekehi balumu iagho, nogu cheke iara gre theome keli kolho. Iara cheke ghu na thoghei fara, eghuteuna iara theome laseni te cheke fakelidi chekere.”

Jenesis 31:1

Kaisei narane mae Jekop ne nomhidi nodi cheke thugna mae Laban gre te cheke eghu ka keha naiknore, “Mae Jekop gne hata nogna gobigna lepo mae kmami ghehati na, ka puhi igne mana gognaro na la kaisei mae dedei fara.”

Jenesis 31:3

Lord ne cheke eghu ka mae Jekop, “Ghema, ke pulo sagho ka namono aheva teke au mae kmamu nei vikemu teku ra. Iara gne ginauna au balumu iagho.”

Jenesis 31:5

Repa tei ne thafoni mae Jekop jare, aonu mana ne cheke eghu ka repa, “Iara la filo glani ni mae kmami ghopa gne la theome raꞌe keli ranghi ghau iara jateula teke edi tifeiro teuna. Nu nogna God mae kmagu iara na au balugu iara.