Jenesis 31:19 - Buka Blahi Ka Cheke Holo

¹⁹ Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Jenesis 31:19 ပူးပေါင်းရင်းမြစ်များ

Ululahu Samuel 19:13

Mikal atha kaisei mumuju ne lilisei ka sape na. Naꞌa atha keha khakla nanigot ne lilisei ka phaꞌugna mumuju na ne totoku tafru ka pohe.

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Jenesis 31:30

Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Profet Esikiel 21:21

Naugna king gna Babilonia na kegra ka fagaglana ka vido aheva te fnota nabrou na. Ka vido tuana te loku ka ghodi teu mana nogna jatare jateula giligomo eghu, eghuteuna mana cheke ka nogna mumuju god re mala laseni gaoghathogna mana na, eghuteuna mana famane filo fakeli ka khebugna buluka teke fafara ka nogna god re. Mana eni u nafnata giligomo igne mala laseni nabrou aheva nate leghuni mana na.

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Jenesis 31:34

Nu mae Laban ne theome tangomana te filo deni nogna mumuju re. Naugna Resel hata neke pophoru mumujure igne ke lamnagna pilo teke gnokro naꞌa ka kamel na.

Jenesis 31:32

Nu jame te keli na iagho hiro ka ghehati gnafa mala laseni ihei ka ghehati teke hatadi nou mumuju iagho re. Te filo deni di iagho nou mumuju re ka naikno tuana na, filou ghehati mala falelehe iagho naikno teke blaudi nou mumuju iagho re.” Mae Jekop theome laseni Resel gne ngala teke hatadi mumujure.

Jajis 18:31

Eghume mumuju teke lisei haghe vikegna Dan igre, au fabrahu ngala ka namono igne ka narane naiknodi Israel te tarai ka Lord ka suga tapuale te blahi jare Saelo.

Josua 24:2

Josua ne cheke eghu ka naiknore, “Tahati te gnafa na vikegna Israel naugna Lord ngala noda God tahati na. Mana ne cheke eghu, ‘Tifa te mei na kuꞌeda tahati ra au khaba ka keha phile Khoꞌu biꞌo Iufretis, mare theome gnafa te tarai ka keha god delei. Eghuteuna kaisei ka kuꞌeda tahati ra, nanghagna na Tera, neke au phei thugna nalhaꞌu nanghadire, Ebraham ghe Naho.

Jenesis 31:20

Mae Jekop theome cheke ka mae Laban ne jifla neke pulo ka namonogna na teuna. Nu mana pophoru fara u gaoghatho igne ne megei nga ne jifla kolho.

Jenesis 31:35

Resel ne cheke eghu ka mae Laban, “Mama, thosei diꞌatamu ka iara. Iara gne theome nabagu te kegra haghe ke ulumu iagho kate thoke ghau iara nomi khabru ghehati goro gaꞌase gre.” Mae Laban ne filo tongana ka gobigna lepore ne theome filodi nogna mumuju re.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Fapea Kings 23:24

King Josia ne khi teidi iheire te loku ka khaekae, ba iheire te facheke ka naitu. Eghuteuna mana jaola hata koko mumuju te tathaji teu naiknore ka sugadi re, nei keha glepo te diꞌa te au Juda nei Jerusalem. Mana neke eni igne mala horoghoto ka Vetula teke risoni ka Buka teke filoni mae pris biꞌo Hilkaea ka nogna Sugablahi Lord na.

Jenesis 38:13

Eghuteuna kaisei mae ne cheke eghu ka Tama, “Nanghomu iagho na la tei Timna kato buburudi nogna sipu re jare.”

Ululahu Samuel 25:2

Ka keha narane na, kaisei mae dedei ka vikegna mae Kelab, nanghagna na mae Nabal, maegna ka namono Maon. Mana au nogna glose rhegna namono Kamel. Mana au nogna thilo thogha sipu nei kaisei gobi nanigot. Khetogna mana na, nanghagna na, Abigel. Naꞌa kaisei thau glalase nei famane gaꞌase fara eghu. Nu mae Nabal gne kaisei mae ninhigrana, nei jaola kaisei mae ghosei diꞌatagna.

Fapea Samuel 13:23

Phei finogha ke leghugna igne, nogna mae gloku mae Absalom igre ne kuchi khakladi nogna sipu manare ka namono Balhaso, rhegna namono Efrem. Eghuteuna mae Absalom ne kilodi thugna te gnafa mae king re mala mei ghamu ka nogna gaghamu na.