Jenesis 31:1 - Buka Blahi Ka Cheke Holo

¹ Kaisei narane mae Jekop ne nomhidi nodi cheke thugna mae Laban gre te cheke eghu ka keha naiknore, “Mae Jekop gne hata nogna gobigna lepo mae kmami ghehati na, ka puhi igne mana gognaro na la kaisei mae dedei fara.”

Jenesis 31:1 ပူးပေါင်းရင်းမြစ်များ

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Ululahu Timoti 6:4

Naikno te farirhiu chaichaghi igre theome laseni kaisei glepo nu mare fahaehaghe fara eghu, eghuteuna au gaoghatho te diꞌa mala magra fabrahu eidi nafnata cheke te theo nafudi. Nafnata puhi igne faꞌeiꞌeidi naiknore mala goghotu, magra, nagho nei au gaoghatho te diꞌa.

Matiu 4:8

Ke leghugna igne, Satan ne hatani mae Jisas ne haghe kau khekelegna thogele te brahu na. Satan ne tathakle ka mana thuagna namono biꞌo fateo gna nauthoglu igne nei nodi nafnakno fateote'o.

Profet Esikiel 16:44

Lord ne cheke eghu, “Jerusalem, naiknore eni cheke naba igne eimu iagho, ‘Jame te diꞌa idogna na, thugna gaꞌase na jateula idogna eghu.’

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Profet Isaia 5:14

Beku na thorau foflogna na jateula kaisei nasava te nganga teu foflogna na te mala tomno soru gano kate rofo fara naia eghu. Eghuteuna neubane naiknore au nafnakno ba theo, mare ginauna tei lamna Beku baludi iheire te au ka namono te eha tafri are.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Proveb 14:30

Ihei te blagna nagnafagna na, mana karha thinigna. Ihei te goghotu ka nagnafagna na, mana ginauna fogra.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Thoutonu Eigna Mae Job 31:31

Nogu mae gloku iara igre lasenihi te leuleghu fata na mare te gnafa na ghamu fakeli ka nogu suga tapuale iara na.

Nogna Buka Esta 5:11

Kate kafe khapru mei te gnafa mae kheragnare, mana kegra haghe ne fafnaknoni nanghagna thegna na ke uludi mare hui. Mana ne falaseni thegna ka mare te kaisei mae dedei, nei kaisei mae au kmana thugna. Eghuteuna mae king jaola neke tusu lao kaisei sape nafnakno biꞌo ka mana. Eigna mana nogna praeminista mae king. Eghuteuna keha nogna mae minista te gnafa mae king igre au ke parigna mana.

Jenesis 45:13

Ghotilo ke pulo ke toutonu ka mae mama eidi naikno te gnafa ka kantri Ijep gne, mare kafe ghatho tahu ghau iara. Eghuteuna ghotilo jaola toutonu ranghini mana eidi gobigna lepo tela mei filodi hi ghotilo igre. Eghume faghosei tei mala hata meini mana agne.”

Jenesis 30:43

Ka puhi igne mae Jekop ne kaisei mae dedei fara. Mana ne au nogna kmana sipu nei nanigot, nei mae gloku nei gaꞌase gloku, nei kamel nei dongki.

Jenesis 31:2

Mae Jekop jaola ne glani ni puhigna mae Laban na ne nhogri eigna mana theome magnahagheni mae Jekop te mala jateula teke tifa ra teuna.

Jenesis 31:43

Mae Laban ne cheke eghu ka mae Jekop, “Phei gaꞌase igre thugu iara, eghuteuna thudi repa igre jaola gragu iara, eghuteuna sipu nei nanigot teu igre jaola nogu iara. Glepo te gnafa te filodi iagho igre nogu iara. Nu iara theome tangomana te eni kaisei glepo te tathaji teu phei thugu gaꞌase nei gragu teu igre.