Jenesis 30:8 - Buka Blahi Ka Cheke Holo

⁸ Resel ne cheke eghu, “Iara neke magra heta ka tahigu na, eghume iara gognaro na la ulu gheguhi eghu.” Aonu naꞌa ne kiloni nanghagna sua na Naftali. Nangha Naftali teu igne gaoghathogna “Iara magra heta” eghu.

Jenesis 30:8 ပူးပေါင်းရင်းမြစ်များ

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Jenesis 49:21

“Naftali, iagho nei vikemu iagho teu re ginauna na tiromi nei rikha tafridi eghu naiknodi delei te magnahaghei mei funei fruni ghami ghotilo re.

Ululahu Samuel 14:15

Eghuteuna soasopai tothoghei ka nodi armi maedi Filistia igre ne mhaghu nodi fara, neuba mare ne tei magra ba au ka suga tapuale, mare ne rhana nodi fara. Eghuteuna God ne famhaghudi maedi Filistia gre ne faꞌihodi tafri.

Diutronomi 33:23

Vikegna mae Naftali, Lord ginauna thofno fablahi ghami ghotilo ka thua glepo te keli. Ghotilo mala hata glose ke mosu nei ke mata Kholo Galili.

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Jenesis 46:24

Thugna nalhaꞌu mae Naftali re neke mae Jasel nei mae Guni nei mae Jesa nei mae Silem.

Jenesis 35:25

Phei mae teke karha ka Bilha, nogna gaꞌase gloku Resel re neke mae Dan ghe mae Naftali.

Jenesis 23:6

“Mae biꞌo, iagho kaisei mae biꞌo mala baubatu ka ghehati agne. Iagho tangomana te filoni kaisei gluma te keli ka ghehati agne mala giugilu thinigna khetomu na. Iagho tangomana te vahini kaisei gluma aheva te magnahagheni iagho na, eghuteuna mae khotogna gluma igne na ginauna na snakreni ka iagho mala giugilu iagho khetomu na.”

Jenesis 30:7

Bilha neke fapea buklai neke karha fapea thugna nalhaꞌu na ka mae Jekop.

Jenesis 30:9

Lea lasenihi nate theome bukla na ne snakreni Silpa, nogna gaꞌase gloku na ka mae Jekop mala jateula te khetogna eghu mana.