Jenesis 30:39 - Buka Blahi Ka Cheke Holo

³⁹ Aonu kate mei te paꞌuku nanigot nalhaꞌudi igre ka nanigot gaꞌasedi igre rhedi gaju igre na, nanigot gaꞌasedi igre ginauna au sua te thuthunu, nei soasoa eghu.

Jenesis 30:39 ပူးပေါင်းရင်းမြစ်များ

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Jenesis 31:40

Kmana fata iara neke brana ghau naprai ba neke rheka nogu kate loku bongiro na ba neke theome thuru fakeli nogu ka teke loku ranghi nigho iagho na.

Jenesis 31:38

“Iara neke loku ranghi nigho iagho nabagna varadaki finogha. Ke lamnadi finogha igre nou sipu iagho ra nei nou nanigot iagho ra eghu neke fei sua neke vuragha. Filo sagho iara neke theome falelehe neke ghamu kaisei sipu nalhaꞌugna ka nou tothoghei sipu iagho ra.

Jenesis 30:38

Mana ne fakegra haghe grege gaju igre rhegna glepo te mala lilisei khoꞌu na, nanigot gre ginauna mei filodi igre kate mei koꞌu na. Kate mei te koꞌu jare na, nanigot nalhaꞌudi igre ginauna paꞌuku ka nanigot gaꞌasedi igre.

Jenesis 30:40

Mae Jekop ne snakredi nogna sipu nalhaꞌudi mae Laban re ne paꞌuku ka sipu gaꞌasedi re rhegna bukrei sua nanigot te thuthunu, soasoa, nei pipito teure. Ka puhi igne mae Jekop ne au nogna tothoghei sipu nei nanigot eghu te keli naugna suadi igre ne karha mei ka puhi teke magnahagheni mae Jekop na. Eghuteuna mana lilisei fadelei nogna sipu nei nanigot teu mae Laban re.

Jenesis 31:8

Ulu lahu na mae Laban neke cheke eghu, ‘Jateula te foli nighoi iara na iagho na hata nanigot nei sipu teu te thuthunu are.’ Ke leghugna igne nanigot nei sipu teure ne kafe thuthunu ne gnafa ngala. Aonu mae Laban neke cheke eghu ka iara, ‘Jateula te foli nighoi iara na iagho na hata sua nanigot nei sipu te thuthunu nei soasoa teu are.’ Ke leghugna igne nanigot nei sipu teure ne kafe thuthunu nei soasoa neu ne gnafa ngala.