Jenesis 30:3 - Buka Blahi Ka Cheke Holo

³ Aonu Resel ne cheke eghu ka mae Jekop, “Uve, te eghu na nogu gaꞌase gloku iara Bilha gne au ngala agne. Jame te keli na iagho thuru balugna mala karha thugu iara ka naꞌa. Ka puhi igne, iara ginauna au thugu ka naꞌa eghu.”

Jenesis 30:3 ပူးပေါင်းရင်းမြစ်များ

Thoutonu Eigna Mae Job 3:12

Naugna unha si idogu iara gne te fagnokro fakeli ghau iara ka bokegna gnea? Naugna unha si naꞌa te fachuꞌu ghau iara gnea?

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Jenesis 30:9

Lea lasenihi nate theome bukla na ne snakreni Silpa, nogna gaꞌase gloku na ka mae Jekop mala jateula te khetogna eghu mana.

Jenesis 46:25

Igre thugna nei gragna eghu mae Jekop ghe Bilha re. Bilha gne neke nogna gaꞌase gloku mae Laban neke tusu lao ka Resel. Thudi nei gradi teu Jekop ghe Bilha re neke fitui khaputudire.