Jenesis 30:25 - Buka Blahi Ka Cheke Holo

^25-26 Kate karhahi mae Josep na, mae Jekop ne cheke eghu ka mae Laban, “Mama, iara neke edi kmana gloku te mala folidi khetogu nei thugu teu igre. Eghume iara gognaro na magnahaghei nigho iagho te snakre ghau iara mala ke pulo iara ka namonogu na. Iagho lasenihi, eigna iara neke edi fakeli nou gloku iagho ra.”

Jenesis 30:25 ပူးပေါင်းရင်းမြစ်များ

Jenesis 24:54

Ke leghudi igre mana nei mae teke mei balugna re eghu mare ne ima nei koꞌu neu ne thuru jare bongi tuana. Kate dofra haghe mare hamerane boibongi ka keha narane na, mana ne cheke eghu ka naiknogna suga na, “Ghotilo snakre ghau iara mala ke pulo iara ka nogu mae funei na.”

Jenesis 24:56

Nu mana ne cheke eghu ka repa, “Thosei tore ghau iara te mala au faraugha agne na. Naugna Lord na la fakelinihi nogu gloku iara na. Iara magnahaghei teke pulo ka nogu mae funei na.”

Jenesis 31:55

Hamerane boibongi ka keha narane na, mae Laban ne kubaedi nei fablahidi neu thugna gaꞌase nei gragna teure neke jifla neke pulo ka namono gna na.

Jenesis 31:13

Iara God mae ihei teke tufru soruni mae kmamu iagho ia ngala teke thakle ka iagho Betel ia, ka vido aheva teke fakekegra haghe iagho kaisei thina teke tofa oel ke kligna gna tifa ia. Eghuteuna iagho neke eni kaisei nhaꞌa cheke ka iara. Eghume iara magnahaghei nigho iagho te tarabana nou gobigna lepore iagho re mala jifla agne mala ke pulo ka vido aheva teke karhamu na.’ ”

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Jenesis 18:33

Kate cheke te gnafa balugna mae Ebraham na, Lord jifla ne tei kokoni mae Ebraham. Eghuteuna mae Ebraham neke pulo ka namono na.

Hibru 11:9

Mana ne fatutuani ni God. Eigna igne mana tei ne au jateula kaisei mae phosa neu ka vido teke nhaꞌa cheke God te mala au mana na. Mana neke au ka suga tapuale jateula mae Isak ghe mae Jekop neku. God neke jaola nhaꞌa cheke ka phiamare langau mala khotogna namono tuana.