Jenesis 30:20 - Buka Blahi Ka Cheke Holo

²⁰ Naꞌa ne cheke eghu, “God ne tusu mei ka iara kaisei famane namha. Tututani, Jekop gne ginauna ghatho tahu ghau iara, naugna iara la auhi namno sua nalhaꞌu ka mana.” Aonu Lea ne kiloni nanghagna thugna nalhaꞌu na Sebulun. Nangha Sebulun teu igne “Namha” eghu ba “Tufa glepo.”

Jenesis 30:20 ပူးပေါင်းရင်းမြစ်များ

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Jenesis 49:13

“Iagho mae Sebulun nei vikemu ra mala au ke tongna, eghuteuna nou glilihi iagho re ginauna na au nhofi te keli te mala longa te sobo vaka na. Fofota di nou vido glose teu iagho re ginauna na tei posa Sidon.

Jenesis 35:23

Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Nodi Khoje Hatimare Mae Jiu 68:27

Ke leghudi hatimare mae nifu, vikegna mae Benjamin te theome biꞌo na ne tapla ulu, ke leghugna igne hatimare mae lida ka vikegna mae Juda balugna nodi mavitu na, eghuteuna leghu lahu na, hatimare mae lida ka vikegna mae Sebulun nei hatimare mae lida ka vikegna mae Naftali.

Jajis 5:14

Mare ka vikegna Efrem igre soru pari ka glogu. Mare leghuni tei vikegna Benjamin, kheradi mare ra. Mae te nheta ka vikegna Makia ra nei mae biꞌo ka vikegna Sebulun igre jaola soru mei.

Jajis 4:10

Barak ne kiloni vikegna Sebulun, balugna vikegna Naftali mala mei filoni mana. Eghuteuna mana ne hata nabotho thogha mae ka phei vike igre mala tei balugna, eghuteuna Debora jaola ne tei baludi mare.

Jenesis 46:14

Keha na mae Sebulun baludi thugnare, nanghadire mae Seret nei mae Elon nei mae Jalel.

Jenesis 30:15

Lea ne cheke eghu, “Iagho la hatahi khetogu iara ia! Eghuteuna gognaro na iagho jaola kela magnahaghei hata sisi mandrek teke hata teke mei thugu iara gre!” Nu Resel ne cheke eghu, “Te famei iagho keha ka iara na, iara ginauna na snakreni Jekop gne mala ari thuru balumu iagho bongi.”

Jenesis 29:34

Eghuteuna Lea neke buklai neke karha keha thugna nalhaꞌu na. Naꞌa ne cheke eghu, “Gognaro na khetogu iara gne ginauna nake magnahaghei ghau iara nei nake au fakeli eghu balugu iara, naugna mana la auhi thilo thugna nalhaꞌu ka iara.” Naꞌa ne kiloni nanghagna fatilo thugna nalhaꞌu na Livae. Nangha Livae teu igne gaoghathogna na “Au fakeli” eghu.

Jenesis 30:19

Ke leghugna igne Lea neke buklai neke au fafamno thugna na.

Jenesis 30:21

Ke leghugna igne, Lea ne karha kaisei thugna gaꞌase, naꞌa ne kiloni nanghagna na Daina.

Jenesis 34:12

Ghotilo tangomana te nhaꞌa haghe fofoli gna gaꞌase igne, eghuteuna iara magnahaghei ghami ghotilo te cheke meini ka iara unha glepo te keli te mala tusu ari iara ka ghotilo na eghu. Nihai teu ghotilo fofoli gna na gaꞌase igne na, iara na tusu ari ka ghotilo. Eghume iara magnahaghe ghami ghotilo te snakreni gaꞌase igne ka iara mala tolaghi nogu iara ka naꞌa.”

Eksodas 22:17

Nu jame te theome magnahagheni mae kmagna na mae igne te tolaghi ka thugna gaꞌase na teuna, mae teke toreni thugna mana na igne foliu ngala praes gna gaꞌase majaghani na.

Ululahu Samuel 18:25

Aonu mae Sol ne cheke ka mare mala ke tei cheke eghu ka mae Devet, “Fofoligna gaꞌase igne, king magnahaghei kaisei gobi vido guli ka thinidi hatimare mae soldiadi Filistia gre mala laseni mana te lehe mare ka magra na. Igne mala ke tughu fapulo glepo te diꞌa teke edi mae naokara.” Te ghathoni mae Sol na, ka puhi igne jame te lehe mae Devet ka mae Filistia gre.

Diutronomi 27:13

Eghuteuna namno vike igre mala tei kegra ka thogele Ebal. Mare mala nomhidi puhi biꞌo nate eni Lord ka naikno te theome leghuni mana re. Igre vike te mala tei kegra ka thogele Ebal, vikegna mae Ruben, nei vikegna mae Gad, nei vikegna mae Asa, nei vikegna mae Sebulun, nei vikegna mae Dan, nei vikegna mae Naftali.