Jenesis 30:2 - Buka Blahi Ka Cheke Holo

² Mae Jekop ne diꞌatagna ka Resel ne cheke eghu ka naꞌa, “God na theome snakreni te au sua iagho na. Eghume iara theome tangomana te eni unha God thegna ngala te tangomana te eni unha te chekeni iagho na eghu.”

Jenesis 30:2 ပူးပေါင်းရင်းမြစ်များ

Jenesis 16:2

Aonu Sarai ne cheke eghu ka mae Ebram, “Iagho laseni igne, Lord na theome snakre ghau iara te mala au sua na. Eghume iagho tangomana te tei thuru balugna nogu gaꞌase gloku iara gne mala au kaisei thugu iara.” Mae Ebram ne leghuni nogna cheke Sarai na.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Fapea Kings 5:7

Kate iuꞌiju king gna Israel letas igne, mana diꞌatagna ne rerheku nogna pohe na. Mana ne cheke eghu, “Kaisei puhi biꞌo signe! King gna Siria gne na fagnafani iara fogra mana igne eghu ka gaoghathogna na, nu iara theome God. Iara theo nogu nolaghi te mala fakarhini ba te mala faleheni naikno na. Iara laseni, mana magnahaghei te hironi kaisei nabrou te mala magra ka iara na kolho.”

Ululahu Samuel 1:5

Nu mana namhani fara Hana ne tufa kaisei vido nafnahi biꞌo ka naꞌa, naugna Lord neke theome snakreni naꞌa te mala au thugna na.

Jenesis 50:19

Aonu mae Josep ne cheke eghu ka mare, “Thosei mhaghu. Iara theome tangomana te mala ke tughu fapulo unha najafra teke eni ghotilo ranghi ghau iara na. Tuana nogna gloku God kolho.

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Eksodas 32:19

Kate mei namo Moses ka vido te au teu naiknore tagna na, mana ne filo teidi naikno te ragi faligohoni teu mumuju buluka teke horo mare ka gol igne, mana thono diꞌatagna fara ne koko soru pari phei thina teke pala teke mei mana igre ne bruja ka phesigna thogele igne.

Jenesis 31:36

Aonu mae Jekop ne thono diꞌatagna fara ka mae Laban ne cheke eghu, “Ba, unha najafra nei puhi te theome doglo eghu teke eni iara te ngolhi ghau iara te mei iagho gnea?”

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Luku 1:42

Naꞌa ne cheke eghu fabiꞌo ranghini Meri, “God fablahi nigho iagho, ke uludi goro gaꞌase te gnafare, nei fablahini langau sua te au ka thi'amu iagho ana!