Jenesis 30:17 - Buka Blahi Ka Cheke Holo

¹⁷ God ne nomhini nogna tharai Lea na neke bukla fapulo. Naꞌa neke au kaisei thugna nalhaꞌu. Igne falima thugna nalhaꞌu mae Jekop ka Lea na.

Jenesis 30:17 ပူးပေါင်းရင်းမြစ်များ

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Jenesis 30:6

Resel ne cheke eghu, “God la falasenihi te keli fara puhigu iara na. Mana nomhini nogu tharai iara na ne tusu mei kaisei thugu iara.” Aonu Resel ne kiloni nanghagna sua na Dan. Nangha Dan teu igne gaoghathogna na “God ne falalase te theome jafra iara na” eghu.

Jenesis 30:16

Kate pulo mei mae Jekop funugna ka nagare ro ka grafi tuana, Lea tei ne thafoni mana ka nabrou na. Naꞌa ne cheke eghu ka mae Jekop, “Bongi na iagho mala mei thuru balugu iara, naugna iara neke foli nighohi ka glepo teke hata teke mei thugu iara ra.” Aonu mae Jekop ne tei thuru balugna Lea ka bongi tuana.

Jenesis 30:18

Lea ne cheke eghu, “God la tusu meihi ka iara unha teke folini iara na, naugna iara neke snakreni nogu gaꞌase gloku na ka khetogu na.” Aonu Lea ne kiloni nanghagna thugna na Isaka. Nangha Isak teu igne “Taba” eghu gaoghathogna na.