Jenesis 30:16 - Buka Blahi Ka Cheke Holo

¹⁶ Kate pulo mei mae Jekop funugna ka nagare ro ka grafi tuana, Lea tei ne thafoni mana ka nabrou na. Naꞌa ne cheke eghu ka mae Jekop, “Bongi na iagho mala mei thuru balugu iara, naugna iara neke foli nighohi ka glepo teke hata teke mei thugu iara ra.” Aonu mae Jekop ne tei thuru balugna Lea ka bongi tuana.

Jenesis 30:16 ပူးပေါင်းရင်းမြစ်များ

Jenesis 30:14

Ka narane te mala ukli wit na mae Ruben tei ne filodi keha sisi mandrek kotu neu jare ka nagare na. Mandrek gne kaisei nafnata meresin mala toghodi mae nalhaꞌu nei gaꞌase eghu mala au thudi. Mana hata ne mei ka Lea, idogna na. Resel ne cheke eghu, “Iara ne filodi glepo te hata te mei thumu iagho ra, te naba na famei keha nogu iara eghu!”

Jenesis 30:15

Lea ne cheke eghu, “Iagho la hatahi khetogu iara ia! Eghuteuna gognaro na iagho jaola kela magnahaghei hata sisi mandrek teke hata teke mei thugu iara gre!” Nu Resel ne cheke eghu, “Te famei iagho keha ka iara na, iara ginauna na snakreni Jekop gne mala ari thuru balumu iagho bongi.”

Jenesis 30:17

God ne nomhini nogna tharai Lea na neke bukla fapulo. Naꞌa neke au kaisei thugna nalhaꞌu. Igne falima thugna nalhaꞌu mae Jekop ka Lea na.