Jenesis 30:15 - Buka Blahi Ka Cheke Holo

¹⁵ Lea ne cheke eghu, “Iagho la hatahi khetogu iara ia! Eghuteuna gognaro na iagho jaola kela magnahaghei hata sisi mandrek teke hata teke mei thugu iara gre!” Nu Resel ne cheke eghu, “Te famei iagho keha ka iara na, iara ginauna na snakreni Jekop gne mala ari thuru balumu iagho bongi.”

Jenesis 30:15 ပူးပေါင်းရင်းမြစ်များ

Naba 16:13

Filo sagho! Iagho neke atha fajifla ghami ghehati ka famane namono Ijep mala falehe ghami ghehati ka namono nagou igne! Ne unha site magnahaghei funei ghami ghehati iagho gnea?

Ululahu Korin 4:3

Nu iara theome nanga nogu jame te fate ghau iara ghotilo ba ihei ka nauthoglu gne. Iara jaola theome tangomana te fateni puhigu thegu na.

Profet Esikiel 16:47

Iagho hata puhidi repa te thono diꞌa fara are, nu puhimu te gnafa iagho re gognarona raꞌe thono diꞌa fara salaꞌudi repa.

Profet Isaia 7:13

Mae Isaia ne cheke eghu, “Ghema Ehas, fanomho fakeli sagho! Ghotilo vikegna mae Devet ra, ghotilo neke eni igne fabrahu, eghuteuna naiknore la ghilei tirodi ghami ghotilo. Ba, ghotilo magnahagheni nogu God iara gne te tiromi ghami la ghotilo na sia?

Jenesis 30:14

Ka narane te mala ukli wit na mae Ruben tei ne filodi keha sisi mandrek kotu neu jare ka nagare na. Mandrek gne kaisei nafnata meresin mala toghodi mae nalhaꞌu nei gaꞌase eghu mala au thudi. Mana hata ne mei ka Lea, idogna na. Resel ne cheke eghu, “Iara ne filodi glepo te hata te mei thumu iagho ra, te naba na famei keha nogu iara eghu!”

Jenesis 30:16

Kate pulo mei mae Jekop funugna ka nagare ro ka grafi tuana, Lea tei ne thafoni mana ka nabrou na. Naꞌa ne cheke eghu ka mae Jekop, “Bongi na iagho mala mei thuru balugu iara, naugna iara neke foli nighohi ka glepo teke hata teke mei thugu iara ra.” Aonu mae Jekop ne tei thuru balugna Lea ka bongi tuana.