Jenesis 30:1 - Buka Blahi Ka Cheke Holo

¹ Kate laseni Resel te khara te theo thugna na, naꞌa ne diꞌatagna fara ka Lea ne cheke eghu, ka mae Jekop, “Fabukla ghau iara sagho. Te theo iagho na, iara ginauna na lehe nogu.”

Jenesis 30:1 ပူးပေါင်းရင်းမြစ်များ

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Jenesis 37:11

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Fapea Korin 7:10

Mae ihei te diꞌanagnafa leghuni u puhi te magnahagheni God na, mana tangomana te tughu nagnafa na, eghuteuna God tangomana te fakarhini mana na. Eghume tahati theome tangomana te diꞌa tada ka nafnata puhi tuana. Nu mae ihei te diꞌanagnafa leghuni nogna puhi naikno kolho na, mana tangomana te leheni na.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Proveb 14:30

Ihei te blagna nagnafagna na, mana karha thinigna. Ihei te goghotu ka nagnafagna na, mana ginauna fogra.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Jone 4:3

Kate laseni mae Jisas te nomhini hatimare mae Farasi eigna nogna gloku mana na, mana jifla ka Provins Judia neke funu pulo ka Provins Galili.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Nodi Khoje Hatimare Mae Jiu 106:16

Jare ke lamnagna namono nagou na, keha mae ka mare ne goghotudi fara mae Moses ghe mae Eron, nogna mae pris Lord na.

Thoutonu Eigna Mae Job 13:19

Jame kaisei mae tangomana te chekeni ne jafra iara teuna, iara ginauna au kmu kolho mala lehe.”

Thoutonu Eigna Mae Job 3:11

“Naugna unha ne theome lehe lamna ka thi'agna idogu na sara gnea? Naugna unha ne theome lehe kate jifla mei ka thiꞌagna idogu na sara gnea?

Ululahu Kings 19:4

Aonu mae Elija nolo kaisei narane thongana ne tei ka namono nagou na. Mana tei ne filoni kaisei gaju ikoi ne tei gnokro ka naungo gna gaju igne ne tarai, “Nabahi! Lord, iagho hata fadelei nakarhagu iara gne. Te keli na iara mala lehe jateula mae kmagu ra eghu kolho.”

Naba 11:29

Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Naba 11:15

Eghuteuna jame te eghu fabrahu iagho puhi igne ka iara na, falehe ghau iara gognarola. Nu te reireghi ghau iara iagho na, thofno lisa ghau iara ka glehe mala theome thoke ghau puhi!”