“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.
Jenesis 3:5 - Buka Blahi Ka Cheke Holo5 Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.” အခန်းကိုကြည့်ပါ။ |
Jenesis 3:5
31 ပူးပေါင်းရင်းမြစ်များ
Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.
Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’
God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.
Ghehati te gnafa te loku ke lamnagna nou kantri iagho igne, thilo nou mae funei iagho igre baludi hatimare nou mae minista, sekretri, advaesa, nei mae primia teu iagho ka provins na igre, ghehati magnahaghei nigho iagho te eni kaisei vetula te mala leghuni naikno te gnafa igre. Ghehati magnahaghei nigho iagho te cheke faheta ka naikno igre funu gognarogne ghilei thokeni tolufulu narane. Te chekeni na, theome tangomana kaisei naikno te tarai ka kaisei god, ba ka kaisei naikno na. Theo fara. Naiknore mala tarai ka iagho kolho. Jame ihei te theome leghuni vetula igne na, iagho koko soruni naikno tuana lamna khora lion.
Iara theome magnahaghedi naikno te doglo gre te diꞌanagnafa na, nu ghotilo faglaꞌedi gaoghathodi naiknore ka nomi chaichaghi ghotilore. Ghotilo togho haghedi koba naikno te diꞌare, eghuteuna mare theome tangomana teke figri fapulo ka puhidi mare te diꞌa re, mala tangomana mare te fakarhadi nakarhadi thedire.
Ghotilo thosei snakreni Hesekaea mala chaghi ghami nei batu fadiꞌa ghami jateula tuana eghu! Ghotilo thosei fatutuani ni mana! Theo kaisei nodi god keha kantri are teke fakarhidi nodi naiknore ka nomi nolaghi ghehati na! Iara cheke fadoglo ari ka ghotilo, nomi God ghotilo na theome tangomana te fakarhi ghami ghotilo na!”
God neke lilisei kmana famane nafnata gaju te ure sisi te naba te mala ima na. Gaju igre famane keli fara. Fari hoteigna nagare igne na au kaisei gaju, ihei te ghamuni sisi gna gaju igne na naikno tuana ginauna na theome lehe, nu mana na karha fabrahu tifa tifa. Eghuteuna fapea gaju na aula jare, ihei te ghamuni sisi gna gaju igne na naikno tuana ginauna na laseni unha te keli na nei unha te diꞌa na eghu.
ကြော်ငြာတွေ