Jenesis 3:22 - Buka Blahi Ka Cheke Holo

²² Aonu Lord God ne cheke eghu, “Naikno gre la jateula tatilo lau sigre la lasenihi unha te keli na nei unha te diꞌa na eghu. Eghume gognaro na tatilo na theome snakredi repa mala tei namo ka gaju te tusu lao karha na ka naiknore. Na glahu ghamu repa sisi gna gaju igne nu karha fabrahu eghu.”

Jenesis 3:22 ပူးပေါင်းရင်းမြစ်များ

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Jenesis 2:9

God neke lilisei kmana famane nafnata gaju te ure sisi te naba te mala ima na. Gaju igre famane keli fara. Fari hoteigna nagare igne na au kaisei gaju, ihei te ghamuni sisi gna gaju igne na naikno tuana ginauna na theome lehe, nu mana na karha fabrahu tifa tifa. Eghuteuna fapea gaju na aula jare, ihei te ghamuni sisi gna gaju igne na naikno tuana ginauna na laseni unha te keli na nei unha te diꞌa na eghu.

Jenesis 1:26

Aonu God ne cheke eghu ka mae Thugna ghe Tharunga te Blahi, “Tatilo na vuavuha naikno mala jateula theda eghu. Mare ginauna au nodi nolaghi ke klignadi sasa te tao tafri ka thongna na igre nei nanghaji te flalo tafri ka maloa na igre nei soasopaigna nafnata glepo te tautagu ka nauthoglu na igre eghu.”

Jenesis 3:5

Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.”

Profet Jeremaea 22:23

Gognarona ghotilo au fakeli nomi ka famane suga te keli teke horo ka gaju sida gna Lebanon. Nu puhi biꞌo ginauna thoke ghami ghotilo. Eghuteuna ghotilo ginauna kabru ghemi tanhi fabiꞌo jateula gaꞌase te kabru kate fakarha sua ra eghu.”

Nodi Khoje Hatimare Mae Jiu 22:26

Naikno te kuma re ginauna ghamu ghedi boho. Eghuteuna naikno te hironi God na, mare ginauna na pala hagheni nanghagna God na. Iara toreni God mala fablahidi fabrahu tifa e tifa!

Jenesis 3:21

Ke leghugna igne Lord God ne hohoro pohe ka khakla sipu maladi Adam ghe khetogna.

Jenesis 3:23

Aonu Lord God ne brue fajifladi repa ka nagare Eden na mala loku repa ka glose teke vuavuhadi repa God na.