Jenesis 3:20 - Buka Blahi Ka Cheke Holo

²⁰ Mae Adam ne kiloni khetogna na “Ivi” naugna naꞌa idodi naikno te gnafa te karha mei gognaro gre nei iheire nate karha mei nathuꞌu nauriha. Gaoghathogna “Ivi” teu ka cheke Hibru na, “Idodi naikno te gnafa te karha mei ka nauthoglu gne.”

Jenesis 3:20 ပူးပေါင်းရင်းမြစ်များ

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Jenesis 2:23

Mae Adam filoni gaꞌase igne ne cheke eghu, “Uve, igne ngala thofno kheragu tutuani iara na. Gaogarogna na neke mei ka gaogarogu iara nei nafnahi gna na neke mei ka nafnahigu iara. Iara ginauna na kiloni naꞌa ‘Gaꞌase’ naugna God neke vuavuhani naꞌa ka gaogarogu iara.” Mae Adam neke chekeni igne naugna ka cheke Hibru na, nanghagna “gaꞌase” na “isha,” eghuteuna nanghagna “nalhaꞌu” na “ish.”

Jenesis 5:29

Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Eksodas 2:10

Ke leghu kate biꞌo haghe te rheta mae sitei na, idogna na neke atha fapulo ka thugna king, ihei te tajini jateula te thofno thugna thegna neu. Eghuteuna naꞌa ne cheke eghu, “Naugna iara neke atha hagheni mana ka khoꞌu na, iara ginauna kiloni mana Moses.” Gaoghathogna Moses teu igne, “hata haghe ka khoꞌu” eghu.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 16:11

“Eghuteuna iagho gognaro na bukla hi, eghuteuna iagho ginauna na theome raugha na au kaisei thumu nalhaꞌu. Iagho na kiloni mana Ismael, gaoghathogna na “God ne nomhini” eghu. Naugna Lord ne laseni te au papara iagho nei nomhini teu nou natanhi iagho na.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Ululahu Timoti 2:13

Naugna te laseni tahati na, God neke kulu vuavuhani mae Adam, eghuteuna ke leghu na ame vuavuhani nga Ivi.

Jenesis 3:21

Ke leghugna igne Lord God ne hohoro pohe ka khakla sipu maladi Adam ghe khetogna.