Jenesis 3:18 - Buka Blahi Ka Cheke Holo

^18-19 Iagho ginauna na ghamu gano te karha ka namhata na are, nu gnarho te fachuchuru nei buburu te diꞌa teu gre ginauna na kotu haghe ka nou nagare iagho na. Iagho ginauna na loku heta fara eghuteuna buibuhi na jifla mei ka thinimu na eigna te mala au naba gano te ghamu na. Iagho ginauna na loku heta fabrahu ghilei lehe, eghuteuna mare ginauna na giugilu nigho ke lamnagna glose igne, naugna iara neke vuavuha nigho iagho ka glose.”

Jenesis 3:18 ပူးပေါင်းရင်းမြစ်များ

Matiu 13:7

Keha sisire ne khoko soru ka vido aheva te au kmana glathi buburu te fachuchuru. Glathidi buburu te fachuchuru igre ne kafe gri haghe ne thafru sophore. Sophore ne theome kotu ne theo sisidi.

Profet Isaia 7:23

Ka narane igne, nagare grep te mala hata sileni biꞌo igre, ginauna buburu fachuchuru nei soro eghu kolho nate kotu haghe tagna na.

Thoutonu Eigna Mae Job 5:5

Eghuteuna naikno te rofo ginauna te hata ghegna gano ka nogna nagare mae te fameomekro na. Neuba gano igre ne karha farihotei phono, mare ginauna na jaola hata. Eghuteuna naikno te ghamu nhoto na hata nogna dedei.

Hibru 6:8

Keha naiknore jateula vido glose te kotu phono nei sokiaro teu ia eghu ne theome keli kolho. Ke leghu na God ginauna na tibrini glose tuana nei na nako ka khaꞌaghi.

Profet Jeremaea 4:3

Lord ne cheke eghu ka naiknodi Juda nei Jerusalem, “Ghotilo koko puhimi te diꞌare mala ke pulo mei ka iara. Eghuteuna ghotilo mala jateula mae te joꞌu gano majaghani ka glose majaghani ra eghu mala ke atha gaoghatho majaghani nei puhi majaghani eghu. Ghotilo naiknomi Juda nei Jerusalem teura, ghotilo koko gaoghatho te diꞌa te fodu ka thiꞌami are mala nogu naikno keli iara thegu. Jame te theome eghu ghotilo na, iara ginauna thono diꞌatagu fara ka puhi te edi ghotilo tuare. Eghuteuna diꞌatagu iara igne ginauna jateula khaꞌaghi te theome tangomana kaisei naikno te faleheni ra eghu.”

Profet Isaia 32:13

Eghuteuna ghotilo ginauna na tanhi nei diꞌanagnafa eghu fabrahu, naugna nodi namono nogu naikno iara re ginauna thafru ka gnarho phono nei buburu te diꞌa eghu. Eghuteuna ghotilo na tanhidi suga te gnafa teke glealeꞌadi naiknore tifa ra.

Profet Isaia 5:6

Iara ginauna lisa lao ka gnarho fachuchuru mala thafru ka vido igne, eghuteuna iara ginauna theome snakreni nakhete na mala soru mei ka nagare igne. Iara ginauna lisa lao vido igne mala vuhai namono nagou kolho.”

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Thoutonu Eigna Mae Job 31:40

te eghu na, lisa lao ka phono nei gaju te diꞌa eghu kolho mala kotu ka nagare igne.” Nogna cheke mae Job igre gnafa agne.

Profet Jeremaea 12:13

Nogu naikno iara igre ginauna joꞌu famane sisi wit ka nagare, nu ka narane te mala atha gano na, mare na atha phono kolho. Mare ginauna loku heta, nu mare na theome tangomana nate filoni sisigna nodi gloku na. Tore! Sisi te atha ghotilo igre theome kmana, eghume ghotilo mamaja nomi fara kolho. Igne ikoi fara naugna iara Lord thono diꞌatagu fara ka ghotilo.”

Proveb 24:31

Phei nagare igre fodu ka phono nei thafru ka buburu fachuchuru. Eghuteuna bara thina teke falithui ka nagare igne ne chigra tonganahi.

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Nodi Khoje Hatimare Mae Jiu 90:3

Kate lehe na iagho nake hata fapulo ghami ka glose mala ke vuhai nakrofu. Uve, iagho nake atha fapulo ghami ghehati ka glose teke vuavuha ghami iagho na.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Letas Teke Riso Tei Mae Pol Ka Khiloau Rom 14:2

Nogna fatutuani kaisei mae na snakreni mana mala ima thua nafnata ganore. Nu kehare ghatho peapea unha te keli ranghidi naikno khiloaure, mana theome ima nafnahi.

Jenesis 3:17

God ne cheke eghu ka mae Adam, “Naugna iagho ne fanomho ka khetomu na ne ghamu sisi gna gaju ia, gano te joꞌu iagho ka glose igne ginauna na theome raꞌe keli. “Karha nga teu iagho ka nauthoglu igne na, iagho na loku heta fara te mala au naba gano te ghamu na.

Profet Isaia 7:24

Uve, buburu te diꞌa kolho igre nate fodu ka vido igne. Eghume mae nalhaꞌure ginauna hata nodi phalohore mala tei hili bosu mala ima.