Jenesis 29:8 - Buka Blahi Ka Cheke Holo

⁸ Nu mare ne cheke eghu, “Ghehati theome tangomana te eni tuana la ghilei kafe mei la gnafa ngau sipu gre ame tangomana nga ghehati te pili fadelei thina biꞌo gne ka foflogna khora na eghu te mala fakokhoꞌu sipu gre.”

Jenesis 29:8 ပူးပေါင်းရင်းမြစ်များ

Luku 24:2

Rehati ne filoni thina biꞌo na la kulu pili fadeleihi ka foflogna gluma na.

Nonomho Te Keli Teke Risoi Mae Mak 16:3

Rehati ne ghusna eghu fari thedi, “Ba, ihei nate togho ghita tahati te mala pili fadelei thina biꞌo teke fofothogna gluma na?”

Jenesis 43:32

Mae Josep thegna ka keha tevo na nei hatimare mae thabusignare thedi ka keha tevo na. Eghuteuna hatimare mae Ijep te au balugna mae Josep gre mare thedi ngau ka keha tevo na, naugna ka nodi kastom mae Ijep re mare theome tangomana te ima fodu baludi mae Hibru re.

Jenesis 34:14

Hatimare mae thabusigna igre ne cheke eghu ka phia mare, “Ghehati theome magnahaghei te snakreni gregami na te mala tolaghi ka mae ihei te theome vahe na. Jame te snakreni ghehati gregami na te tolaghi ka mana na, ghehati ginauna na mamaja nomi fara.

Jenesis 29:3

Kate khapru teu sipure ka gerigna seu igne, mare tangomana te pili fadelei thina biꞌo igne ka foflogna khora na te mala koꞌu sipure. Eghuteuna kate koꞌu te gnafa pili sipure ka seu igne na, mare neke fapulo thina biꞌo igne ka foflogna khora na.

Jenesis 29:7

Mae Jekop ne cheke eghu ka mare, “Tore, gognaro gne naublathau kolho, theome naba te mala hata fapulo ghotilo sipu gre ka bara na. Fakoꞌudi si ghotilo nu khudau mala ghamu ghedi buburu reꞌe eghu.”

Jenesis 29:9

Kate cheke eghu teu mae Jekop baludi mae greiregi sipu gre, Resel gne ne posa mei baludi nogna sipu mae kmagna re, eigna naꞌa kaisei thau greiregi sipu la.

Ululahu Samuel 9:11

Kate haghe phiamare ka thogele na te mala tei lamna namono na, phiamare ne thafodi goro gaꞌase te soru mala toho khoꞌu teure. Eghuteuna phiamare ne ghusna eghu ka reꞌe, “Ba, mae khaekae na au ka namono, ba theo?”