Jenesis 29:35 - Buka Blahi Ka Cheke Holo

³⁵ Lea neke buklai neke karha keha thugna nalhaꞌu na. Eghuteuna naꞌa ne cheke eghu, “Gognaro na iara ginauna na cheke fakelini nanghagna Lord na.” Aonu naꞌa ne kiloni nanghagna fafati thugna nalhaꞌu na Juda. Nangha Juda teu igne gaoghathogna na “Cheke fakelini” eghu. Aonu Lea ne gnafa jare ghu te au sua na.

Jenesis 29:35 ပူးပေါင်းရင်းမြစ်များ

Matiu 1:2

Mae Ebraham na neke kmagna mae Isak; mae Isak na neke kmagna mae Jekop; mae Jekop na neke kmagna mae Juda nei hatimare mae thabusigna;

Ululahu Kronikols 5:2

Neuba vikegna mae Juda igne ne rheta salaꞌudi keha vikegna mae Israel igre, eghuteuna king gna Israel na jifla mei ka vikegna mae Juda, nu vikegna mae Josep gne neke hata nogna nolaghi mae teke kulu karha na.

Diutronomi 33:7

Lord, fanomho ka vikegna Juda kate tarai ari mare ka iagho te mala toghodire. Lord, ke hata fapulo meidi keha vikemi ghehati ra. Tusu lao nolaghi ka vikegna Juda mala magra thedi ka nodi naoka re. Eghume iagho toghodi mala uludi mare nodi naokare.

Jenesis 35:26

Phei mae teke karha ka Silpa, nogna gaꞌase gloku Lea re neke mae Gad ghe mae Asa. Mae igre neke karha ka mae Jekop kani au neku mana ka namono Mesopotemia.

Jenesis 46:12

Keha na mae Juda baludi thugnare, nanghadire mae Er nei mae Onan nei mae Sela nei mae Peres nei mae Sera. Nu mae Er ghe mae Onan gre phia mare neke lehe kani au teku mare Kenan na. Eghuteuna thugna nalhaꞌu mae Peres re neke mae Hesron ghe mae Hamul.

Naba 34:19

Nanghadi mae lida re igre: “Ka vikegna mae Juda na, Caleb thugna mae Jefune.

Jenesis 30:9

Lea lasenihi nate theome bukla na ne snakreni Silpa, nogna gaꞌase gloku na ka mae Jekop mala jateula te khetogna eghu mana.