Jenesis 29:33 - Buka Blahi Ka Cheke Holo

³³ Ke leghugna igne Lea neke bukla neke karha fapea thugna nalhaꞌu na. Eghuteuna naꞌa ne cheke eghu, “Lord kela tusu mei ka iara fapea thugu nalhaꞌu na, naugna mana la nomhinihi mae Jekop gne te theome magnahaghei ghau iara na.” Aonu naꞌa ne kiloni nanghagna thugna na Simion. Nangha Simion teu igne gaoghathogna na, “Mana ne nomhini” eghu.

Jenesis 29:33 ပူးပေါင်းရင်းမြစ်များ

Jenesis 34:25

Thilo narane ke leghugna teke vahe mae nalhaꞌu gre te kabru teu mare na. Phei thugna mae Jekop, nanghadire mae Simion ghe mae Livae, phei mae te thofno greghagna Daina igre hata naflahi ne megei nga ne tei ka namono na. Kate iho teu naiknore ne aknu falehe ne gnafa mae nalhaꞌu gna namono tuana.

Jenesis 42:24

Kate nomhidi mana nodi cheke mae igre na, mana ne jifla ne tei delei ne tanhi poru. Ke leghugna te tanhi te gnafa na, mae Josep neke pulo mei neke cheke ka mare. Eghuteuna mana ne cheke ka nogna mae glokure ne lokini mae Simion ne haru khamegna mana re ke uludi mare.

Jenesis 35:23

Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Jenesis 30:20

Naꞌa ne cheke eghu, “God ne tusu mei ka iara kaisei famane namha. Tututani, Jekop gne ginauna ghatho tahu ghau iara, naugna iara la auhi namno sua nalhaꞌu ka mana.” Aonu Lea ne kiloni nanghagna thugna nalhaꞌu na Sebulun. Nangha Sebulun teu igne “Namha” eghu ba “Tufa glepo.”

Jenesis 30:18

Lea ne cheke eghu, “God la tusu meihi ka iara unha teke folini iara na, naugna iara neke snakreni nogu gaꞌase gloku na ka khetogu na.” Aonu Lea ne kiloni nanghagna thugna na Isaka. Nangha Isak teu igne “Taba” eghu gaoghathogna na.

Jenesis 30:8

Resel ne cheke eghu, “Iara neke magra heta ka tahigu na, eghume iara gognaro na la ulu gheguhi eghu.” Aonu naꞌa ne kiloni nanghagna sua na Naftali. Nangha Naftali teu igne gaoghathogna “Iara magra heta” eghu.

Jenesis 30:6

Resel ne cheke eghu, “God la falasenihi te keli fara puhigu iara na. Mana nomhini nogu tharai iara na ne tusu mei kaisei thugu iara.” Aonu Resel ne kiloni nanghagna sua na Dan. Nangha Dan teu igne gaoghathogna na “God ne falalase te theome jafra iara na” eghu.

Naba 34:20

Ka vikegna mae Simion na, Selumiel thugna mae Amihud.

Diutronomi 21:15

Eghuteuna mae Moses ne cheke eghu, “Jame kaisei mae au phei khetogna, nu mana namhani kolho kaisei, eghuteuna mana theome namhani keha na. Repa kafe au thudi nalhaꞌu ka mana, nu teke kulu karha na thugna gaꞌase te theome namhani fara mana na.