Jenesis 29:32 - Buka Blahi Ka Cheke Holo

³² Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Jenesis 29:32 ပူးပေါင်းရင်းမြစ်များ

Diutronomi 26:7

Nu ghehati tanhi ka Lord nodi God kuꞌemi ghehati ra. Lord nomhidi nomi natanhi ghehati re, eghuteuna mana filo ghami te papara fara, nei diꞌanagnafa nei au ka narane te ninhigrana.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Luku 1:25

Nu naꞌa ne cheke eghu, “Leghu lahu na Lord la ghilei togho ghau iara ka puhi igne la hata fadeleidi mamajagu iara teke theo thugu na.”

Nodi Khoje Hatimare Mae Jiu 106:44

Nu kate tanhi lao mare ka mana na, mana nomhidi mare ne kokhoni nognadi, naugna mare ne au fari hotei hoholo.

Nodi Khoje Hatimare Mae Jiu 25:18

Ghatho mei ghau, eigna iara gne au papara fara, nei kokhoni ghau eghu. Hata fadeleidi nakhibogu fateote'o gre.

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Jenesis 42:27

Kate tei te bongi na mare ne horo grorofe ne thuru. Eghuteuna kaisei mae ka hatimare mae thabusigna igre ne tothora nogna duku na mala hata keha gano malagna nogna dongki na. Mana ne filoni nogna sileni thegna na ka foflogna nogna duku na.

Jenesis 42:22

Mae Ruben ne cheke eghu ka mare, “Iara neke chekehi ka ghotilo mala thosei faleheni mana neku, nu ghotilo neke tiromi fanomhidi chekegu iara ra. Eghume gognaro na tahati ke papara eidi unha teke edi tahati ranghini mae igne ra eghu.”

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Ululahu Kronikols 5:1

Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel.

Jenesis 16:11

“Eghuteuna iagho gognaro na bukla hi, eghuteuna iagho ginauna na theome raugha na au kaisei thumu nalhaꞌu. Iagho na kiloni mana Ismael, gaoghathogna na “God ne nomhini” eghu. Naugna Lord ne laseni te au papara iagho nei nomhini teu nou natanhi iagho na.

Jenesis 37:29

Ke leghugna igne mae Ruben teke theome au jare ka vido tuana neke tei neke efra ka khora na. Kate dofini mae Josep jare na, mana ne diꞌanagnafagna fara ne rerheku nogna pohe na.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Naba 1:5

Nanghadi nabotho phei mae lida re igre: “Ka vikegna mae Ruben, nodi lida mare na mae Elisua, thugna mae Sedeua.

Jenesis 35:23

Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Diutronomi 27:13

Eghuteuna namno vike igre mala tei kegra ka thogele Ebal. Mare mala nomhidi puhi biꞌo nate eni Lord ka naikno te theome leghuni mana re. Igre vike te mala tei kegra ka thogele Ebal, vikegna mae Ruben, nei vikegna mae Gad, nei vikegna mae Asa, nei vikegna mae Sebulun, nei vikegna mae Dan, nei vikegna mae Naftali.