Jenesis 29:31 - Buka Blahi Ka Cheke Holo

³¹ Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Jenesis 29:31 ပူးပေါင်းရင်းမြစ်များ

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Ululahu Samuel 2:21

Aonu Lord ne fablahini Hana, eghuteuna Hana ne karha thilo thugna nalhaꞌu nei phei gaꞌase. Nu mae Samuel ne biꞌo haghe ka nogna Sugablahi Lord na.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Ululahu Samuel 1:5

Nu mana namhani fara Hana ne tufa kaisei vido nafnahi biꞌo ka naꞌa, naugna Lord neke theome snakreni naꞌa te mala au thugna na.

Diutronomi 21:15

Eghuteuna mae Moses ne cheke eghu, “Jame kaisei mae au phei khetogna, nu mana namhani kolho kaisei, eghuteuna mana theome namhani keha na. Repa kafe au thudi nalhaꞌu ka mana, nu teke kulu karha na thugna gaꞌase te theome namhani fara mana na.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Jenesis 29:30

Aonu mae Jekop ne jaola ne thuru balugna Resel. Eghuteuna mae Jekop gne mana magnahagheni fara Resel, nu mana theome raꞌe magnahagheni Lea. Eghuteuna mae Jekop neke loku ranghini mae Laban keha fitu finogha.

Jone 12:25

Jateula tuana eghu nakarhagna naikno na. Naikno te namhani nakarhagna thegna na ginauna theome hatini thofno nakarha te tutuani na. Nu naikno te tirognani nakarhagna thegna ka nauthoglu igne ginauna tathaji malagna karha fei tifa.

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Profet Malakai 1:3

Nu iara neke theome magnahagheini mae Iso nei iheire te karha mei ke leghugna manare. Naugna igne iara snakredi mae naokare mala mei goigonini nodi namono vikegna mana teke au ka thogele na mala nodi namono khuma mata.”

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Ululahu Samuel 1:27

Iara neke toreni ka Lord sua igne, eghuteuna mana neke tusu mei unha teke toreni iara na.

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Jenesis 16:1

Sarai, khetogna mae Ebram na khara ne theo thugna. Naꞌa au kaisei nogna gaꞌase mala loku, nanghagna na Hega. Hega gne kaisei gaꞌase gna Ijep.

Mae Khuru 7:8

Eghuteuna ke leghugna igne na, God neke cheke ranghini mae Ebraham mala tohi fagaglana mae sua nalha'ure. Igne kaisei fagaglana eigna nogna nhaꞌa cheke God na. Naugna igne, mae Ebraham neke tohi fagaglana mae thugna Isak ka fahanagna narane ke leghugna teke karha mana na. Eghuteuna mae Isak jaola neke tohi fagaglana mae thugna Jekop. Eghuteuna mae Jekop jaola neke tohi fagaglana dila mae thugnare, nabotho phei mae kuꞌeda tahati ra.

Jenesis 29:32

Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Jenesis 35:23

Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Thoutonu Eigna Rut 4:13

Aonu mae Boas ne atha Rut na ne tei ka sugagna na. Eghuteuna ke leghugna, God te fablahidi repa. Eghume, Rut ne bukla ne karha kaisei thugna nalhaꞌu.