Jenesis 29:3 - Buka Blahi Ka Cheke Holo

³ Kate khapru teu sipure ka gerigna seu igne, mare tangomana te pili fadelei thina biꞌo igne ka foflogna khora na te mala koꞌu sipure. Eghuteuna kate koꞌu te gnafa pili sipure ka seu igne na, mare neke fapulo thina biꞌo igne ka foflogna khora na.

Jenesis 29:3 ပူးပေါင်းရင်းမြစ်များ

Jenesis 29:2

Mana kegra jare ne efra tafri ne filodi thilo bukrei sipu te thuru teu ka gerigna khoꞌu seu ka sare na, naugna sipu igre mei koꞌu koba ka khoꞌu seu igne. Eghuteuna foflogna khora igne fofotho ka kaisei thina biꞌo.

Jenesis 29:4

Mae Jekop ne ghusna eghu ka mae greiregi sipu igre re, “Kheraguro, ghotilo mei funumi aheva?” Mare ne cheke eghu, “Ghehati gne mei funumi ka namono Haran.”

Eksodas 2:17

Nu keha mae greireghi sipu mei ne ngohli teidi gaꞌase igre. Aonu mae Moses kegra haghe ne tei fakarhidi ka mae igre. Eghuteuna mana toghodi reꞌe ne fakoꞌudi nodi sipu nei nanigot teure.

Jajis 5:11

Ghotilo fanomho! Naikno te khapru ka Seu igne te koje eigna Lord te uluni magra igne. Uve, te chekeni mare na tahati naiknoda Israel la uluni magra na. Aonu, nogna naikno Lord igre jifla mala magra.

Famane Khoje 4:12

Kheraguo, iagho khetogu iara. Iagho jateula kaisei nagare balu gringni te lithu ka thina, aheva iara thegu kolho nate tangomana te tei lamna tagna na. Jare na au kaisei glokha khoꞌu lamna, aheva iara thegu kolho nate koꞌu tagna na.

Jenesis 29:8

Nu mare ne cheke eghu, “Ghehati theome tangomana te eni tuana la ghilei kafe mei la gnafa ngau sipu gre ame tangomana nga ghehati te pili fadelei thina biꞌo gne ka foflogna khora na eghu te mala fakokhoꞌu sipu gre.”