Jenesis 29:25 - Buka Blahi Ka Cheke Holo

²⁵ Kate dofra haghe hamerane te filoni Lea na mae Jekop ne tei ka mae Laban ne cheke eghu ka mana, “Unha puhi site eni iagho ranghi ghau iara ignea? Iara neke loku heta ka nou gloku iagho ra malagna Resel gne neku, eghuteuna iagho ne chaghi ghau iara neu.”

Jenesis 29:25 ပူးပေါင်းရင်းမြစ်များ

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Proveb 11:31

Tahati laseni, naikno te keli na hata nogna taba te keli nabagna puhigna mana na. Naikno te diꞌa na ginauna na jaola hata nogna taba nabagna puhi te diꞌa na.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Ululahu Korin 3:13

Eghuteuna ka narane leghu lahu nate mei fate Kraes na nodi gloku naikno te gnafare ginauna na kakhana unha te keli ba unha te diꞌa. Naugna kau narane tuana nogna khaꞌaghi God na ginauna fariuriudi nodi gloku naikno te gnafare mala laseni te keli ba te diꞌa na.

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Jenesis 12:18

Aonu mae king ne eha meini mae Ebram ne cheke eghu ka mana, “Ba, unha puhi site eni iagho ranghi ghau iara gnea? Naugna unha neke theome chekeni nga iagho Sarai gne te khetomu iagho na?

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Matiu 7:12

Unha te magnahagheni ghotilo te mala eni ranghi ghami keha naiknore, glepo tuana la mala teke eni ghotilo ranghidi mare na. Igne gaoghathogna vetula nogna mae Moses nei chekedi hatimare mae profet.”

Jenesis 20:9

Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Jenesis 26:10

Aonu mae Abimelek ne cheke eghu ka mana, “Ba, naugna unha sagho te chaichaghi ghami ghehati gnea? Jame thuru balugna khetomu iagho kaisei mae ka mae ghehati igre meu na, ghehati jame nakhibomi fara, naugna iagho ne eni puhi igne ka ghehati.”

Jenesis 29:24

Eghuteuna mae Laban ne tusu lao kaisei nogna gaꞌase gloku Lea, nanghagna na Silpa.

Jenesis 29:26

Mae Laban ne cheke eghu ka mae Jekop, “Theome nomi kastom ghehati agne te kulu tolaghi gaꞌase ke iko na ame ke tolaghi nga gaꞌase ke biꞌo na teu na.

Jenesis 31:7

Nu kmana fata mana neke chaghi ghau iara nei mana neke tuthughu fofoligu iara na. Nu God na theome snakreni mae kmami ghopa gne te mala para ghau iara na.

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Ululahu Samuel 28:12

Kate filoni naꞌa profet Samuel na, naꞌa ne eha eghu fabiꞌo, “Naugna unha sagho te faꞌeiꞌei ghau iara gnea? Iagho king Sol!”

Jenesis 29:16

Mae Laban au phei thugna gaꞌase, Lea ghe Resel.

Jenesis 31:26

Aonu mae Laban tei ka mae Jekop ne cheke eghu ka mana, “Ghema, unha site eni iagho ka iara gnea? Iagho chaghi ghau iara ne hata fedeleidi thugu gaꞌase iara gre ne jateula naikno teke sneka ka u magra neu.