Jenesis 29:18 - Buka Blahi Ka Cheke Holo

¹⁸ Mae Jekop ne magnahagheni fara Resel, aonu mana ne cheke eghu ka mae Laban, “Iara ginauna na loku fitu finogha ranghi nigho iagho mala gna thumu gaꞌase majaghani iagho Resel gne.”

Jenesis 29:18 ပူးပေါင်းရင်းမြစ်များ

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Jenesis 34:12

Ghotilo tangomana te nhaꞌa haghe fofoli gna gaꞌase igne, eghuteuna iara magnahaghei ghami ghotilo te cheke meini ka iara unha glepo te keli te mala tusu ari iara ka ghotilo na eghu. Nihai teu ghotilo fofoli gna na gaꞌase igne na, iara na tusu ari ka ghotilo. Eghume iara magnahaghe ghami ghotilo te snakreni gaꞌase igne ka iara mala tolaghi nogu iara ka naꞌa.”

Profet Hosia 3:2

Eghume, iara neke foli Goma gne ka nabotho glima silva nei kaisei gobi phiatutu kilo bali.

Fapea Samuel 3:14

Mae Devet kurudi keha mae ne tei cheke eghu ka mae Isboset, “Iagho kuru meini khetogu iara Mikal. Iara neke folini naꞌa ka kaisei gobi guli mamajadi maedi Filistia neke tolaghihi ka naꞌa.”

Jenesis 31:41

Iara neke loku jateula mae sneka neku ranghi nigho iagho varadaki finogha. Iara neke loku maladi phei thumu gaꞌase iagho igre nabotho fati finogha, eghuteuna keha namno finogha ra iara neke loku ranghi nigho iagho te mala hata keha nogu sipu nei nanigot teu na. Ka narane te loku iara ranghi nigho igre, iagho neke tughu fofoligu iara na nabotho fata ia eghu.

Jenesis 29:30

Aonu mae Jekop ne jaola ne thuru balugna Resel. Eghuteuna mae Jekop gne mana magnahagheni fara Resel, nu mana theome raꞌe magnahagheni Lea. Eghuteuna mae Jekop neke loku ranghini mae Laban keha fitu finogha.

Jenesis 29:20

Aonu mae Jekop ne loku ranghini mae Laban fitu finogha mala gna te tolaghi ka Resel na. Ka gaoghathogna mae Jekop na fitu finogha igre jateula te phei narane ra eghu kolho ka mana, naugna mana ne magnahagheni fara Resel.

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 29:19

Mae Laban ne cheke eghu ka mana, “Keli fara. Iara na snakreni thugu na ka iagho, naugna iara theome snakreni thugu na te mala tolaghi ka keha vikei na. Iagho na au balugu iara.”