Jenesis 29:17 - Buka Blahi Ka Cheke Holo

¹⁷ Lea gne phei tathagnare e famane fara. Nu Resel gne famane gaꞌase fara uluni Lea.

Jenesis 29:17 ပူးပေါင်းရင်းမြစ်များ

Jenesis 12:11

Kate tei rhegna kantri Ijep gne mae Ebram ne cheke eghu ka khetogna na, “Sarai, iagho kaisei famane gaꞌase fara.

Matiu 2:18

“Naikno te au ka namono Rama ne nomhini kaisei naogla, u naogla natanhi nei phaopado, Resel ne tanhidi thugnare, ne theome kmu, naugna mare ne kafe lehehi.”

Profet Jeremaea 31:15

Lord ne cheke eghu, “Kaisei naogla ne nomhi laoni namono Rama. Naogla natanhi nei khoje diꞌanagnafa. Resel tanhidi thugnare. Eghuteuna ninhigrana ranghini kaisei naikno te fameomegoni naꞌa na, naugna ne dofidi thugnare.”

Proveb 31:30

Keha gaꞌase re famane, nu chaichaghi kolho eghu. Keha gaꞌase re famane filodi re, nu katha vido kmoꞌei kolho eghuteuna hui. Nu gaꞌase te ghatho tahuni Lord na, nabagna te mala cheke fakelini na.

Ululahu Samuel 10:2

Kate jifla iagho agne gognarogne, iagho ginauna tei ka nohi Benjamin, eghuteuna iagho ginauna thafodi phei mae Selsa rhegna bekugna Resel tifa ia. Phiamare ginauna cheke eghu ka iagho, ‘Dongki ra kela filodihi mare. Nu mae kmamu iagho na nanga nogna fara ka ghopa, eghuteuna thono ghathoni fara eigna te mala teke thafo ghami ghopa na.’

Jenesis 48:7

Iara eni cheke igne naugna iara ne kokhoni noguni fara idomu iagho Resel ia. Naꞌa neke lehe ka narane teke jifla iara Mesopotemia teke pulo Kenan ia. Naꞌa neke lehe ka narane teke mei namo hi ghehati ka namono Efrata, aonu iara neke giugiluni naꞌa rhegna nabrou na jare.” Efrata gne gognaro na Betlehem.

Jenesis 39:6

Aonu mae Potifa ne lisa lao ka mae Josep te mala reireghidi nogna gobigna lepore. Eghuteuna mae Potifa ne theome kaisei ghatho peapeani ka mae Josep. Thono theo fara. Gano te mala ima na ngala te ghathoni mana na. Mae Josep gne kaisei mae nheta fara nei kaisei mae famane fara eghu fifilogna na.

Jenesis 35:24

Phei mae teke karha ka Resel re neke mae Josep ghe mae Benjamin.

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.

Jenesis 29:18

Mae Jekop ne magnahagheni fara Resel, aonu mana ne cheke eghu ka mae Laban, “Iara ginauna na loku fitu finogha ranghi nigho iagho mala gna thumu gaꞌase majaghani iagho Resel gne.”

Jenesis 24:16

Rebeka gne kaisei famane gaꞌase majaghani fara. Naꞌa kaisei gaꞌase khupi kolho, theome thuru ngau kaisei mae balugna. Aonu naꞌa ne soru ka khoꞌu seu na ne toho nogna botol na neke pulo haghe.

Jenesis 12:14

Kate tei mae Ebram ghe Sarai Ijep na, maedi Ijep gre ne filoni khetogna mae Ebram gne famane gaꞌase tutuani fara. Aonu mare ne cheke eghu fari thedi, “Tore, gaꞌase ana famane fara fifilogna na!”

Jenesis 26:7

Hatimare mae nalhaꞌu gna namono tuana ne ghusna ka mae Isak eigna Rebeka ne cheke eghu, “Ba? Ghema, khetomu iagho si thau ignea?” Mae Isak mhaghudi mare glahula faleheni neu ne cheke eghu ka mare, “Theo. Thau igne thofno gregagu iara.” Naugna Rebeka gne kaisei famane gaꞌase fara.

Jenesis 29:16

Mae Laban au phei thugna gaꞌase, Lea ghe Resel.

Jenesis 29:30

Aonu mae Jekop ne jaola ne thuru balugna Resel. Eghuteuna mae Jekop gne mana magnahagheni fara Resel, nu mana theome raꞌe magnahagheni Lea. Eghuteuna mae Jekop neke loku ranghini mae Laban keha fitu finogha.