Jenesis 29:13 - Buka Blahi Ka Cheke Holo

¹³ Kate nomhini mae Laban u nonomho eigna mae Jekop, thugna greghagna na, mana chari ne tei ne thafoni mana. Mae Laban ne loku famaku ka mae Jekop ne kubae ka mana ne hatani mana ne tei ka sugagna na. Aonu mae Jekop ne toutonu ka mae Laban eidi gobigna lepo teke edi ka thegna re.

Jenesis 29:13 ပူးပေါင်းရင်းမြစ်များ

Jenesis 24:29

Mae Laban gne thabusigna Rebeka. Aonu mae Laban ne filodi u ring ka nehugna nei phei khome ka khamegna teure, nei Rebeka ne toutonu ka mana unha teke chekedi nogna mae gloku mae Ebraham. Aonu, mana jifla ne tei ne filodi mae igne nei nogna kamel re rhegna khoꞌu seu na.

Letas Teke Riso Tei Mae Pol Ka Khiloau Rom 16:16

Kubaedi kherada ka namono Rom balu namha. Nogna khiloau te gnafa Kraes re kubae ghami ghotilo.

Mae Khuru 20:37

Eghuteuna mare ne kafe loku famaku ka mae Pol ne gnanghoni mana fabrahu balu tanhi, naugna mae Pol ne chekeni ka mare, mare ginauna nake theome filo tathani mana. Aonu mare ne tei balugna mana ka vaka na.

Luku 7:45

Kate ruma mei iara ka sugamu na, iagho theome mei kubae ghau iara. Nu funu ruma mei gu iara te ghilei thokei gognaro ao, naꞌa theome gnafa te gnaognanghodi ghahegu iara gre.

Fapea Samuel 19:39

Aonu king baludi naikno teke tei balugna manare tei ne kasa ka khoꞌu Jordan. King gnanghoni mae Basilae ne fablahini mana. Aonu mae Basilae figri neke pulo ka nogna namono na.

Eksodas 18:7

Kate nomhini mae Moses cheke igne na, mana tei ne thafoni mae Jetro ka nabrou na. Mae Moses ne tuturupuku soru ke ulugna mae Jetro, aonu mana kegra haghe ne gnanghoni mae Jetro. Ke leghugna te fari faghuaghusnai fari thedi eigna nakarhadi re, phia mare ne tei ruma ka suga tapuale mae Moses na.

Eksodas 4:27

Lord ne cheke eghu ka Eron, “Eron. Iagho tei thafoni Moses ka namono nagou gno.” Eghume, Eron tei ne thafoni mae Moses ka thogele blahi Sanai ne gnanghoni mana.

Jenesis 45:15

Eghuteuna mae Josep ne sopa loku ka mae tighagna re ne tanhi balu gnanghodi mare. Ke leghugna igne hatimare mae tighagna re ne toutonu balugna mana.

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Jenesis 24:31

Mae Laban ne cheke eghu ka mana, “Mae biꞌo, Lord na la fablahi nigho iagho hi! Mei sagho mala ari ka suga na. Iagho theome tangomana te au teu agne na. Iara la kulu tarabanahi suga malamu iagho na nei jaola kaisei vido maladi nou kamel iagho re eghu.”

Jenesis 33:4

Nu mae Iso chari ne tei ne loku famaku ka khamegna mae Jekop na ne kubae ka mana, eghuteuna phia mare ne orio tanhi fabiꞌo.

Jenesis 24:32

Aonu nogna mae gloku mae Ebraham na ne ruma ka suga na. Mae Laban ne chekedi nogna mae glokure ne hata fadelei gobi lepo teke au ka kamel re ne fei ghedi buburu nei gano eghu. Aonu mana ne jaola ne chekedi nogna mae glokure mala hata mei keha khoꞌu ka nogna mae gloku mae Ebraham na mala titihi ghahe mana baludi mae teke mei balugna re.